ରାଞ୍ଚି,୨୩।୬: ଅର୍ଥାଭାବରୁ ବିବାହ ନ କରି ଭୋଜି ନ ଦେଇ ଲିଭ୍ଇନ୍ରେ ରହୁଥିବା ଝାଡଖଣ୍ଡର ଜନଜାତି ସମ୍ପ୍ରଦାୟଙ୍କୁ ଅକଥନୀୟ ନିର୍ଯାତନା ଦିଆଯାଇଥାଏ। ଏଭଳି ମହିଳାଙ୍କୁ ଏଠାରେ ସିନ୍ଦୂର ତଥା ଚୁଡି ପିନ୍ଧିବାକୁ ବାରଣ କରାଯାଇଥାଏ। ସେହିପରି ପୁରୁଷଙ୍କୁ ଗାଁର କୌଣସି ବିବାହ ଉତ୍ସବ ଅବା ଅନ୍ତିମ ସଂସ୍କାରରେ ଯୋଗଦେବାକୁ ମନା ହୋଇଥାଏ। ଏଭଳି ଯୋଡ଼ାଙ୍କଠାରୁ ଜନ୍ମିତ ସନ୍ତାନଙ୍କୁ ଉତ୍ତାରାଧିକାରୀ ସୂତ୍ରରେ କୌଣସି ସମ୍ପତ୍ତି ମିଳି ନ ଥାଏ। ସେହିପରି ଏଭଳି ଯୋଡ଼ାଙ୍କୁ ମୃତ୍ୟୁ ପରେ ମଧ୍ୟ ଅନ୍ତିମ ସଂସ୍କାର ପାଇଁ ଗାଁରେ କୌଣସି ସ୍ଥାନ ଦିଆଯାଇ ନ ଥାଏ। ସ୍ଥାନୀୟ ଖୁଣ୍ଟି,ଗୁମଲା, ସିମ୍ଡେଗା ଆଦି ଜନଜାତି ବହୁଳ ଅଞ୍ଚଳରେ ଲିଭ୍ଇନ୍ରେ ରହୁଥିବା ପ୍ରାୟ ୨ ଲକ୍ଷରୁ ଅଧିକ ଯୋଡ଼ା ରହିଛନ୍ତି। କେତେକଙ୍କର ବିବାହ ସରକାର ତଥା ବିଭିନ୍ନ ସ୍ବେଚ୍ଛାସେବୀ ସଂଗଠନ ପକ୍ଷରୁ ସମ୍ପନ୍ନ ହୋଇଛି। ଏବେ ଏଭି ଯୋଡ଼ାଙ୍କ କାହାଣୀ ବିଭିନ୍ନ ସୋସିଆଲ୍ ମିଡ଼ିଆରେ ଭାଇରାଲ ହେବାରେ ଲାଗିଛି।