କେନ୍ଦୁଝର, ୧୯ା୫(ଡି.ଏନ.ଏ.)-କେନ୍ଦୁଝର ଜିଲା ତେଲକୋଇ ଥାନା କାଳିଆହତା ଫାଣ୍ଡି ଅଞ୍ଚଳ ମାରଦା ଗଁାର ଟଙ୍କଧର ମହାନ୍ତଙ୍କ ଘରେ ସୋମବାର ବିଳମ୍ବିତ ରାତିରେ ୪ଜଣ ଲୁଟେରା ବିଭିନ୍ନ ମାରଣାସ୍ତ୍ର ଧରି ଲୁଟ୍ପାଟ କରିଥିଲେ। ଲୁଟେରାମାନେ ଟଙ୍କଧରଙ୍କ ମୁଣ୍ଡରେ ବନ୍ଧୁକ ରଖି ପରିବାରର ଅନ୍ୟ ସଦସ୍ୟଙ୍କୁ ମାରଣାସ୍ତ୍ର ଦେଖାଇ ଭୟଭୀତ କରାଇ ଲୁଟ୍ କରି ଫେରାର୍ ହେବାକୁ ଉଦ୍ୟମ କରୁଥିବା ସମୟରେ ପରିବାର ଲୋକେ ପାଟିତୁଣ୍ଡ କରିଥିଲେ। ପାଟିତୁଣ୍ଡ ଶୁଣି ଲୁଟେରାମାନେ ଫେରାର୍ ହୋଇ ଯାଉଥିବାବେଳେ ଗ୍ରାମବାସୀ ଲୁଟେରାଙ୍କ ପିଛା କରି ଜଣଙ୍କୁ କାବୁ କରିବାରେ ସକ୍ଷମ ହୋଇଥିଲେ। ଏସମ୍ପର୍କରେ ତେଲକୋଇ ପୋଲିସ ଖବର ପାଇ ମାରଦାଠାରେ ପହଞ୍ଚି କାବୁ ହୋଇଥିବା ଲୁଟେରାକୁ ଥାନାକୁ ଆଣି ଅଟକ ରଖିଥିବାବେଳେ ତା’ ନିକଟରୁ ଗୋଟିଏ ବନ୍ଧୁକ ଓ ଛୁରୀ ଜବତ କରାଯାଇଥିବା ସୂଚନା ମିଳିଛି। ଏହି ଘଟଣାରେ ତେଲକୋଇ ପୋଲିସ ତଦନ୍ତ ଜାରୀ ରଖିଛି।