ବିରିଡ଼ି, ୨୪।୧ (ଡି.ଏନ୍.ଏ.): ବିରିଡ଼ି ଥାନା ଅଧୀନ ଦଳେଇଘାଇଠାରେ ଏକ ଧାନ ବୋଝେଇ ଟ୍ରକ (ନଂ.-ଓଆର୍-ଏଭି-୧୮୩୯) ଡ୍ରାଇଭରଙ୍କଠାରୁ ହୋଇଥିବା ଲୁଟ୍ ଘଟଣାରେ ପୋଲିସ ଜଣଙ୍କୁ ଗିରଫ କରି ଗୁରୁବାର କୋର୍ଟ ଚାଲାଣ କରିଛି। ସେ ହେଲେ ନିକଟସ୍ଥ ମଧ୍ୟ ଶାସନ ଗ୍ରାମର ପ୍ରକାଶ ଚନ୍ଦ୍ର ସ୍ବାଇଁଙ୍କ ପୁଅ ତପନ କୁମାର (୩୦)।
ପ୍ରକାଶ ଯେ, ଜଗତ୍ସିଂହପୁର ବ୍ଲକ ଆଳିପିଙ୍ଗଳରୁ ସମ୍ବଲପୁର ଯାଉଥିବା ଧାନ ବୋଝେଇ ଟ୍ରକ୍କୁ ଦଳେଇଘାଇ ନିକଠରେ ୪ ଜଣ ଯୁବକ ଅଟକାଇଥିଲେ। ଟ୍ରକ୍ ଡ୍ରାଇଭର ବୁଦ୍ଧିଆ ରାଉତଙ୍କୁ ଛୁରୀ ଦେଖାଇ ତାଙ୍କଠାରୁ ଟଙ୍କା, ପର୍ସ ଓ ଗାଡ଼ିର କାଗଜପତ୍ର ଛଡ଼ାଇ ନେଇଥିଲେ। ଏ ନେଇ ସେ ବିରିଡ଼ି ଥାନାରେ ଲିଖିତ ଅଭିଯୋଗ କରିବା ପରେ ପୋଲିସ ୬/୨୦ ନଂ.ରେ ମାମଲା ରୁଜୁ କରି ତଦନ୍ତ ଚଳାଇଥିଲା। ଏହି ଘଟଣାରେ ସମ୍ପୃକ୍ତ ଅନ୍ୟ ଅଭିଯୁକ୍ତମାନଙ୍କୁ ଖୁବ୍ଶୀଘ୍ର ଗିରଫ କରାଯିବ ବୋଲି ଥାନା ସୂତ୍ରର ପ୍ରକାଶ।