ଧରାକୋଟ,୯ା୬(ଡି.ଏନ୍.ଏ.)- ଧରାକୋଟ ଅଞ୍ଚଳର ବି.ବାୟା ପାତ୍ର, ଏ. ଗଣେଶ ପାତ୍ର, ଏସ୍. ତ୍ରିପତି ପାତ୍ର ଆନ୍ଧ୍ରପ୍ରଦେଶ ବିଶାଖାପାଟଣାରେ ଛେଳି ବିକି ୧୨ଲକ୍ଷ ୮୦ହଜାର ଟଙ୍କା ଧରି ଗତ ୨୭ ତାରିଖରେ ଫେରୁଥିଲେ। ଗିରିସୋଲାରୁ ଏକ ଅଟୋରେ ଫେରୁଥିବାବେଳେ ବିଳମ୍ବିତ ରାତିରେ ଧରାକୋଟ ଥାନା ବାଦଗଡ଼ ଗ୍ରାମ ରାସ୍ତାରେ ଦୁର୍ବୃତ୍ତମାନେ ଆକ୍ରମଣ କରି ଟଙ୍କା ଲୁଟି ନେଇଥିଲେ। ବି.ବାୟା ପାତ୍ରଙ୍କ ଅଭିଯୋଗକ୍ରମେ ଧରାକୋଟ ଥାନାରେ ନଂ.୮୩/୨୦ରେ ମାମଲା ରୁଜୁ କରାଯାଇଥିଲା। ଜୁନ ୨ରେ ମାଷ୍ଟର ମାଇଣ୍ଡ ଅଟୋ ଚାଳକ ଓ ହେଲ୍ପରଙ୍କ ସମେତ ୧୧ଜଣଙ୍କୁ ପୋଲିସ ଗିରଫ କରିବା ସହ୧୨ଲକ୍ଷ ୬୦ହଜାର ଟଙ୍କା ଜବତ କରିଥିବା ଏସ୍ପି ବ୍ରିଜେଶ କୁମାର ରଏ ବଡଗଡ ଥାନାରେ ଅନୁଷ୍ଠିତ ଖବରଦାତା ସମ୍ମିଳନୀରେ ସୂଚନା ଦେଇଥିଲେ। ଧରାକୋଟ ଥାନାଧିକାରୀ ସହଦେବ ମହାପାତ୍ର ଏତଲା ଦେଇଥିବା ବି. ବାୟା ପାତ୍ରଙ୍କୁ ମଙ୍ଗଳବାର ଜବତ ୧୨ ଲକ୍ଷ ୬୦ ହଜାର ଟଙ୍କା ଥାନାରେ ଫେରାଇଛନ୍ତି।
((((ଫଟୋ-ବିଏମ-୯-୫-ଅର୍ଥ ଫେରାଉଛନ୍ତି ଥାନାଧିକାରୀ।