ଲୁଣ ରୋଷେଇ ଘରର ସବୁଠାରୁ ବଡ଼ ମସଲା ବୋଲି କେହି କେହି କହିଥାଆନ୍ତି। କାରଣ ଲୁଣ ବିନା କୌଣସି ରନ୍ଧା ଖାଦ୍ୟ ସ୍ବାଦିଷ୍ଟ ହୋଇ ନ ଥାଏ। ହେଲେ କେବଳ ଖାଦ୍ୟ ରାନ୍ଧିବା ପାଇଁ ନୁହେଁ ଲୁଣର ଆହୁରି କିଛି ବ୍ୟବହାର ମଧ୍ୟ ରହିଛି। ଯାହାକୁ ଜାଣି ରଖିବା ଭଲ।
-ହାତର ଦୁର୍ଗନ୍ଧ ଦୂର କରିବା ପାଇଁ ଲୁଣର ବ୍ୟବହାର କରାଯାଇଥାଏ। ବେଳେବେଳେ ରସୁଣ ଛଡାଇବା ପରେ ଅବା ପିଆଜ ଛଡାଇବା ପରେ ହାତରେ ଏହାର ଗନ୍ଧ ରହିଯାଇଥାଏ। ଏହାକୁ ଦୂର କରିବାକୁ ଲୁଣ ସହ ସିରକା ମିଶାଇ ହାତରେ ଘଷିଲେ ଏହି ଗନ୍ଧ ଦୂର ହୋଇଥାଏ।
-ସିଙ୍କରେ ଲାଗିଥିବା ଦାଗ ନ ଛାଡିଲେ ଉଷୁମ ପାଣିରେ ଲୁଣ ପକାଇ ସେହି ସ୍ଥାନରେ ଢାଲିଦେଲେ ଦାଗ ଛାଡି ଯାଇଥାଏ।
-ଫଳକୁ ଅଧିକାଂଶ ସମୟ ତାଜା ରଖିବାକୁ ବା କଟା ଫଳରେ କଳା ପଡିଯାଉଥିବା ସମସ୍ୟାକୁ ଦୂରେଇବା ପାଇଁ ଏହା ଉପରେ ଅଳ୍ପ ଲୁଣ ଛିଞ୍ଚିଦେଲେ କଟା ଫଳ କଳା ପଡି ନ ଥାଏ।
-କପଡାରେ କିଛି ଦାଗ ଲାଗିଯାଇଥଲେ ଲୁଣା ବ୍ୟବହାର କରାଯାଇଥାଏ। ଲୁଣ ପାଣିରେ ଘଣ୍ଟାଏ ପର୍ଯ୍ୟନ୍ତ କପଡା ବୁଡାଇ ରଖିଲେ ଏହାର ରଙ୍ଗ ଚମକିବା ସହ ଦାଗ ଛାଡି ଯାଇଥାଏ।
