ଝାରସୁଗୁଡା ଅଫିସ୍/ଲଖନପୁର,୨୫।୧୦(ଡି.ଏନ୍.ଏ.): ଝାରସୁଗୁଡ଼ା ଜିଲା ବଡମାଲ ଥାନା ଅଧୀନ ୧୦ ନଂ. ରାଜ୍ୟ ରାଜପଥ ଏସ୍ଏମ୍ସି ରାସ୍ତା ନିକଟରେ ଶୁକ୍ରବାର ଏକ ଲୁହାବୋଝେଇ ଟ୍ରକ୍ ଧକ୍କାରେ ୨ ଭାଇଙ୍କ ମୃତ୍ୟୁ ଘଟିଛି। ସେମାନେ ହେଲେ ନିକଟସ୍ଥ ତୁମ୍ଭେକେଲା ଗ୍ରାମର ବଡ଼ଭାଇ ସାନ୍ତନୁ ଭଇଁସା(୪୫) ଓ ସାନଭାଇ ଜଗନ୍ନାଥ ଭଇଁସା(୪୨)।
ପ୍ରକାଶ ଯେ, ଟ୍ରକ୍(ନଂ. ଓଡି୧୬ଏଫ୍ ୮୫୦୭) ଲୁହା ବୋଝେଇକରି ଝାରସୁଗୁଡାରୁ ଏସ୍ଏମ୍ସି ପ୍ଲାଣ୍ଟ ଅଭିମୁଖେ ଯାଉଥିଲା। ବିପରୀତ ଦିଗରୁ ବାଇକ୍ (ଓଡି୨୩ଏଚ୍ ୬୩୩୯) ଯୋଗେ ସାନ୍ତନୁ ଓ ଜଗନ୍ନାଥ ଯାଉଥିଲେ। ଏସ୍ଏମ୍ସି ରାସ୍ତା ନିକଟରେ ଟ୍ରକ୍ ସହ ସେମାନଙ୍କର ମୁହାଁମୁହିଁ ଧକ୍କା ହୋଇଥିଲା। ଘଟଣାସ୍ଥଳରେ ୨ ଭାଇଙ୍କ ମୃତ୍ୟୁ ଘଟିଥିବା ଜଣାପଡ଼ିଛି। ଉତ୍ତ୍ୟକ୍ତ ଲୋକେ ରାଜ୍ୟ ରାଜପଥକୁ ଅବରୋଧ କରିଛନ୍ତି। ଖବରପାଇ ବଡମାଲ ଥାନା ଆଇଆଇସି ଅମିତାଭ ପଣ୍ଡା ଘଟଣାସ୍ଥଳରେ ପହଞ୍ଚି ଆନ୍ଦୋଳନକାରୀଙ୍କୁ ବୁଝାସୁଝା କରୁଛନ୍ତି। ପୋଲିସ୍ ୨ଭାଇଙ୍କ ମୃତଦେହ ଜବତ କରିବା ସହ ଦୁର୍ଘଟଣା ଘଟାଇଥିବା ଟ୍ରକ୍ ଓ ବାଇକ୍କୁ ଜବତକରି ତଦନ୍ତ ଚଳାଇଛି ା