ଲୋଇସିଂହା, ୭।୪(ଡି. ଏନ .ଏ): ବଲାଙ୍ଗୀର ଜିଲା ଲୋଇସିଂହା ବ୍ଲକ ଅଞ୍ଚଳରେ ମଙ୍ଗଳବାର ଅପରାହ୍ନରେ କରକାପାତ ହୋଇଛି। ଏଥିଯୋଗୁ ବ୍ଲକର ଉପାନ୍ତ ଅଞ୍ଚଳରେ ହୋଇଥିବା ପରିବା ଓ ଡାଲି ଜାତୀୟ ଫସଲ ବ୍ୟାପକ ନଷ୍ଟ ହୋଇଛି। ଲକଡାଉନରେ ଚାଷୀ ଯାହା କ୍ଷତି ସହୁଥିବାବେଳେ କରାମାଡ଼ରେ ଫସଲ ନଷ୍ଟ ହେବା ଚାଷୀଙ୍କ ଦୁଃଖକୁ ଦିଗୁଣିତ କରିଛି। ବ୍ଳକର କୁଟେନପାଲି, କନ୍ଦାଜୁରୀ, ଝାରମୁଣ୍ଡା ସମେତ ୩୪ ନଂ ଜୋନ ସରଗଡ଼, ତଲିଉଡାର, ରେଙ୍ଗାଲି, ଡୁଙ୍ଗରିପାଲି, ବାଦୀମୁଣ୍ଡା, ବାନୀପାଲି, କୁଶଙ୍ଗ, ରତାଖଣ୍ଡି, କୁଶମେଲ ପଞ୍ଚାୟତ ଅଞ୍ଚଳରେ ବ୍ୟାପକ ଫସଲ ନଷ୍ଟ ହୋଇଥିବା ଅଭିଯୋଗ ହୋଇଛି। କୃଷି ଓ ରାଜସ୍ବ ବିଭାଗ ପକ୍ଷରୁ ତଦନ୍ତ କରି ଚାଷୀଙ୍କୁ କ୍ଷତିପୂରଣ ଦେବାକୁ ସାଧାରଣରେ ଦାବି ହେଉଛି ।