ଏବେ ସୋସିଆଲ ମିଡିଆରେ ଏକ କୁକୁରର ଭିଡିଓ ଭାଇରାଲ ହେବାରେ ଲାଗିଛି। ତେବେ କୁକୁରଟି ନିଜ ଆଡକୁ ଲୋକଙ୍କୁ ଆକର୍ଷିତ କରୁଥିବାରୁ ଭିଡିଓଟି ଭାଇରାଲ ହେଉଛି। କୁକରଟି ନିଜ ଭଙ୍ଗା ଗୋଡ଼କୁ କିପରି ଘୋଷାଡ଼ି ଘୋଷାଡ଼ି ଚାଲୁଛି ତାହା ଦେଖିବାକୁ ମିଳିଛି। ଆଉ ଏମିତି କରିବାର ଉଦ୍ଦେଶ୍ୟ ହେଉଛି ତାକୁ କିଛି ଖାଦ୍ୟ ମିଳିଯିବ। ଏହି ଭିଡିଓଟି ଥାଇଲାଣ୍ଡର ବୋଲି ଜଣାପଡିଛି। ମ୍ୟାଡ ଇଗଲ ନାମକ ଏକ ଟୁଇଟର ଆକାଉଣ୍ଟ ଦ୍ୱାରା ଏହି ଭିଡିଓକୁ ଅପଲୋଡ କରାଯାଇଛି। ଭିଡିଓରେ କୁକୁରଟି ନିଜ ଗୋଡ ଭାଙ୍ଗି ଯାଇଥିବା ଭଳି ଅଭିନୟ କରୁଛି ଓ ଯଦି କେହି ଏହା ଦେଖି ଅଟକି ଯାଉଛନ୍ତି ସଙ୍ଗେ ସଙ୍ଗେ ସେ ପୁଣି ଠିକ୍ ଭାବେ ଚାଲୁଛି। ତେବେ ଉକ୍ତ ଟୁଇଟର ସୂଚନା ଅନୁଯାୟୀ ଖାଦ୍ୟ ପାଇଁ କୁକୁରଟି ଏମିତି କରୁଛି। ଏପର୍ଯ୍ୟନ୍ତ କୁକୁରର ଭିଡିଓଟିକୁ ପ୍ରାୟ ୨ ଲକ୍ଷ ଲୋକ ଦେଖି ସାରିଥିବା ଜଣାପଡିଛି।