ମୁମ୍ବାଇ,୧୦।୬: ଦେଶରେ କରୋନା ଭାଇରସ୍ର ସବୁଠାରୁ ଅଧିକ ପ୍ରଭାବ ମହାରାଷ୍ଟ୍ରରେ ପଡ଼ିଛି। ଦିନକୁ ଦିନ କରୋନା ଆକ୍ରାନ୍ତ ଓ ମୃତ୍ୟୁ ସଂଖ୍ୟା ବଢ଼ିବାରେ ଲାଗିଛି। ରାଜ୍ୟରେ ଏପର୍ଯ୍ୟନ୍ତ କରୋନା ଆକ୍ରାନ୍ତଙ୍କ ସଂଖ୍ୟା ୯୦ହଜାରରୁ ଊର୍ଦ୍ଧ୍ୱ ଟପିଥିବା ବେଳେ ୩ହଜାର ଊର୍ଦ୍ଧ୍ୱ ମୃତ୍ୟୁ ସଂଖ୍ୟା ରହିଛି। ଇତିମଧ୍ୟରେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ରାଜ୍ୟରେ ଜାରି ରହିଥିବା ଲକ୍ଡାଉନ କଟକଣାକୁ କୋହଳ କରିଛନ୍ତି। କଟକଣା କୋହଳ ହେବା ପରେ ଲୋକମାନେ ସାମାଜିକ ଦୂରତ୍ୱ ରକ୍ଷା ନ କରି ପ୍ରବଳ ମାତ୍ରାରେ ଭିଡ଼ ଜମାଉଥିବା ଦେଖିବାକୁ ମିଳିଛି। ଏହି ଭିଡ଼କୁ ଦେଖି ମୁଖ୍ୟମନ୍ତ୍ରୀ ଏବେ ଚିନ୍ତା ପ୍ରକାଶ କରିଛନ୍ତି। ଯଦି ଲୋକମାନେ ସାମାଜିକ ଦୂରତ୍ୱ ରକ୍ଷା ନ କରନ୍ତି ଏବଂ ଏଭଳି ଭିଡ଼ ଜମାନ୍ତି, ତେବେ ପୁଣିଥରେ କଟକଣାକୁ କଡ଼ାକଡ଼ି କରାଯିବ। ରାଜ୍ୟରେ କରୋନା ସଂକ୍ରମଣ ଜାରି ରହିଛି ଏଥିରୁ ବର୍ତ୍ତିବା ପାଇଁ ଓ ସୁରକ୍ଷିତ ରହିବାକୁ ହେଲେ ସାମାଜିକ ଦୂରତ୍ୱ ନିୟମ କଡ଼ା ଭାବେ ପାଳନ କରିବାକୁ ହେବ ବୋଲି ଉଦ୍ଧବ କହିଛନ୍ତି।