ନୂଆଦିଲ୍ଲୀ,୬।୬: ଆମ ଆଦମୀ ପାର୍ଟି ନିଷ୍ପତ୍ତି ନେଇଛି ଯେ ଏଏପି ଏକାକୀ ଦିଲ୍ଲୀ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବ। ଦଳର ବରିଷ୍ଠ ନେତା ଗୋପାଳ ରାୟ କହିଛନ୍ତି, ଲୋକ ସଭା ନିର୍ବାଚନ ପାଇଁ କଂଗ୍ରେସ ସହ ମେଣ୍ଟ ହୋଇଥିଲା। ଆମେ ଏକକୀ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବୁ। ଦଳ ଏହି ନିଷ୍ପତ୍ତି ନେଇଛି ଯେଉଁ ସମୟରେ ସଂଯୋଜକ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ ଜେଲରେ ଅଛନ୍ତି।
ଦିଲ୍ଲୀରେ ଆମ ଆଦମୀ ପାର୍ଟି ଏବଂ କଂଗ୍ରେସ ମେଣ୍ଟ ଅଧୀନରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଥିଲେ। ଦିଲ୍ଲୀ ବ୍ୟତୀତ ଗୁଜରାଟ, ହରିୟାଣା ଏବଂ ଚଣ୍ଡିଗଡ଼ରେ ମଧ୍ୟ ଲୋକ ସଭା ନିର୍ବାଚନ ପାଇଁ ମେଣ୍ଟ ହୋଇଥିଲା। ଦିଲ୍ଲୀ, ଗୁଜରାଟ ଏବଂ ହରିୟାଣାରେ ଆମ ଆଦମୀ ପାର୍ଟି ଗୋଟିଏ ବି ଆସନ ଜିତି ନାହିଁ। ଦଳ ପଞ୍ଜାବରେ ଏକାକୀ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଥିଲା। ସେଠାରେ ଏଏପି ତିନୋଟି ଲୋକ ସଭା ଆସନ ଜିତିଛି। ଏହା ସହିତ ଗୋପାଳ ରାୟ କହିଛନ୍ତି, ଆଜି ବିଧାୟକଙ୍କ ସହ ଏକ ବୈଠକ ହୋଇଛି। ଆସନ୍ତାକାଲି ସମସ୍ତ କାଉନସିଲରଙ୍କ ସହ ଏକ ବୈଠକ ହେବ।