ଶେରଗଡ଼, ୨୨।୪(ଡି.ଏନ୍.ଏ.): ଗଞ୍ଜାମ ଜିଲା ଶେରଗଡ଼ ବ୍ଲକରେ ଥିବା ଭିଡିଓ କନଫେରନ୍ସି ହଲ୍ରେ ଶେରଗଡ଼ ବ୍ଲକର ସମସ୍ତ ସରପଞ୍ଚମାନେ ଏକ ଶପଥ ନେଇଛନ୍ତି। ସରପଞ୍ଚ ଭାବେ ନିଜେ ପଞ୍ଚାୟତକୁ ଫେରିଥିବା ଶ୍ରମିକମାନଙ୍କୁ ନେଇ ଗ୍ରାମ ପଞ୍ଚାୟତଗୁଡ଼ିକରେ ଖୋଲାଯାଇଥିବା କ୍ୱାରାଣ୍ଟାଇନ୍ ଗୃହରେ ରଖିବୁ । ସେମାନଙ୍କ ରହିବା, ଖାଇବା ବ୍ୟବସ୍ଥା କରିବୁ। ସେମାନଙ୍କ ଉଚିତ ବ୍ୟବସ୍ଥା କରିବାରେ ସହଯୋଗ କରିବୁ। ଆଜିଠାରୁ ମୋ ପଞ୍ଚାୟତରେ କେହି ଆସି ପହଁଚିଲେ ମୁଁ ସେମାନଙ୍କ ପଞ୍ଜିକରଣ କରାଇ କ୍ୱାରାଣ୍ଟାଇନ୍ରେ ରଖିବାର ସହଯୋଗ କରିବୁ ବୋଲି ସରପଞ୍ଚମାନେ ଶପଥ କରିଛନ୍ତି। ତେବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ମୁଖ୍ୟ ଶାସନ ସଚିବ ଅସିତ ତ୍ରିପାଠୀ ଏହି ଶପଥ ପାଠ କରାଇଥିଲେ। ଉକ୍ତ ସମୟରେ ଭିଡିଓ କନ୍ଫରେନ୍ସିଂ ଜରିଆରେ ପଞ୍ଚାୟତର ସରପଞ୍ଚମାନେ ଜିଲାପାଳ କ୍ଷମତା ସହ କୋଭିଡ ୧୯ ମୁକାବିଲା କରିବାର ସମ୍ପୂର୍ଣ୍ଣ ସହଯୋଗ କରିବେ ବୋଲି ଭିଡିଓ କନଫେରନ୍ସି କୁହାଯାଇଥିଲା। ଉକ୍ତ ଶପଥ ପାଠ ଉତ୍ସବରେ ବିଡିଓ ସୁରଞ୍ଜନ କୁମାର ସାହୁ, ତହସିଲଦାର ଡ.ଦୟାସିନ୍ଧୁ ପରିଡ଼ା ସମେତ ସମସ୍ତ ସରପଞ୍ଚ ମାନେ ଉପସ୍ଥିତ ଥିଲେ।