![](https://www.dharitri.com/wp-content/uploads/2019/05/1-67.jpg)
ପ୍ୟାରିସ, ୩୧ା୫ (ପି.ଟି.)- ଭାରତର ଡିଭିଜ ଶରନ ଏବଂ ତାଙ୍କ ବ୍ରାଜିଲିଆନ ପାର୍ଟନର ମାର୍ସିଲୋ ଡେମୋଲିନର ଚଳିତ ଫ୍ରେଞ୍ଚ ଓପନ ଗ୍ରାଣ୍ଡସ୍ଲାମ ଟେନିସ ପ୍ରତିଯୋଗିତାର ପ୍ରଥମ ରାଉଣ୍ଡରୁ ବିଦାୟ ନେଇଛନ୍ତି। ଶୁକ୍ରବାର ୮ମ ସିଡ୍ ହେନ୍ରୀ କୋଣ୍ଟିନେନ୍ ଏବଂ ଜନ୍ ପିଅର୍ସ ଅଣସିଡ୍ ଇଣ୍ଡୋ-ବ୍ରାଜିଲିଆନ ଯୋଡ଼ି ୬-୩, ୬-୪ ସେଟ୍ରେ ଇଣ୍ଡୋ- ବ୍ରାଜିଲଆନ ଯୋଡ଼ିଙ୍କୁ ପରାସ୍ତ କରିଛନ୍ତି। ଡିଭିଜ ଓ ଡିମୋଲିନର ଦୁଇଥର ସର୍ଭିସ ଡ୍ରପ୍ କରିଥିବାବେଳେ ସେମାନଙ୍କୁ ମିଳିଥିବା ଦୁଇଟି ବ୍ରେକ୍ର ସୁଯୋଗର ଉପଯୋଗ କରିପାରି ନ ଥିଲେ। ଡିଭିଜ-ଡିମୋଲିନର ଯୋଡ଼ିଙ୍କ ଏହାଥିଲା ଚତୁର୍ଥ ଟୁର୍ନାମେଣ୍ଟ। ଉଭୟେ ମ୍ୟୁନିକ୍ଠାରେ ଅନୁଷ୍ଠିତ ବିଏମ୍ଡବ୍ଲ୍ୟୁ ଓପନ୍ରେ ଶ୍ରେଷ୍ଠ ପ୍ରଦର୍ଶନ ସହ ରନର୍ସଅପ୍ ହୋଇଥିଲେ। ଡିଭିଜ ସିଜନ ଆରମ୍ଭରେ ନିଜ ଦେଶର ରୋହନ ବୋପାନ୍ନାଙ୍କୁ ସାଥୀ କରି ଖେଳିଥିଲେ। ଏହି ପାର୍ଟନରଶିପ୍ କିନ୍ତୁ ୩ ମାସ ତିଷ୍ଠି ଥିଲା। ଏହି ସମୟ ମଧ୍ୟରେ ୭ଟି ଟୁର୍ନାମେଣ୍ଟ ଖେଳିଥିଲେ। ୪ଥର ସେମାନଙ୍କ ପ୍ରଥମ ରାଉଣ୍ଡ ମ୍ୟାଚରେ ପରାଜିତ ହୋଇଥିଲେ। ଭାରତୀୟ ଯୋଡ଼ି କିନ୍ତୁ ପୁଣେଠାରେ ସିଜନ ଆରମ୍ଭ ଟାଟା ଓପନ୍ ମହାରାଷ୍ଟ୍ର ଟାଇଟଲ ଜିତିଥିଲେ।