ମାଲକାନଗିରି,୨୦।୫(ଡି.ଏନ୍.ଏ.): ମାଲକାନଗିରି ଜିଲା ସଦର ମହକୁମାର ଏମ୍ଭି-୩ସ୍ଥିତ ବିଏସ୍ଏଫ୍ର ୧୬୦ ବାଟାଲିୟନ ପକ୍ଷରୁ ସୋମବାର ୫ମ ଗୁରୁ ଶହୀଦ ଅର୍ଜୁନ ଦେବ ସାହାବଙ୍କ ଶହୀଦ ଦିବସ ପାଳିତ ହୋଇଯାଇଛି। ଏହି ଅବସରରରେ ବିଏସ୍ଏଫ୍ ପକ୍ଷରୁ ଏମ୍ଭି-୩ସ୍ଥିତ କ୍ୟାମ୍ପ ପରିସରରେ ଗୁରୁଙ୍କ ପାରମ୍ପରିକ ରୀତିନୀତି ଅନୁଯାୟୀ ପୂଜାର୍ଚ୍ଚନା କରାଯାଇଛି। ଜିଲାରେ ଗ୍ରୀଷ୍ମପ୍ରବାହ ଜାରି ରହିଥିବା ବେଳେ ସୋମବାର ତାପମାତ୍ରା ପ୍ରାୟ ୪୦ ଡିଗ୍ରୀ ହୋଇଛି। ତେଣୁ ଅଂଶୁଘାତରୁ ରକ୍ଷା ପାଇଁ ବିଏସ୍ଏଫ୍ ପକ୍ଷରୁ ପଥିକଙ୍କୁ ସରବତ ଓ ପ୍ରସାଦ ବଣ୍ଟନ କରାଯାଇଛି। ଏଥିରେ ବିଏସ୍ଏଫ୍ର କମାଣ୍ଡାଣ୍ଟ ରାକେଶ କୁମାରଙ୍କ ନେତୃତ୍ୱରେ ଡେପୁଟି କମାଣ୍ଡାଣ୍ଟ ଭାସ୍କର ତିୱାରୀ, ଡ. ରଜନୀକାନ୍ତ, ଉମେଶ ୟାରାଗଟି ଓ ଏସ୍ଆଇ ମୁକେଶ କୁମାର ପ୍ରମୁଖ ଯୋଗଦେଇ ଏହାକୁ ପରିଚାଳନା କରିଥିଲେ।