ଶ୍ରୀନଗର,୯।୮: ଜମ୍ମୁ କଶ୍ମୀରରେ ଧାରା ୩୭୦କୁ ଅଚଳ କରିଦିଆଯିବା ପୂର୍ବରୁ ହିଁ ସେଠାରେ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଛି। ଜମ୍ମୁ ଓ ଶ୍ରୀନଗରରେ ଧାରା ୧୪୪ ଲାଗୁ କରାଯିବା ସହ ବ୍ୟାପକ ସୁରକ୍ଷାକର୍ମୀଙ୍କୁ ମୁତୟନ କରାଯାଇଛି। ଇତିମଧ୍ୟରେ ଏକ ସୁନ୍ଦର ଫଟୋ ସୋସିଆଲ ମିଡିଆରେ ଭାଇରାଲ ହେବା ସହ ଏବେ ଚର୍ଚ୍ଚାର ବିଷୟ ପାଲଟିଛି। ଘାଟିରେ ମୁତୟନ ହୋଇଥିବା ସିଆର୍ପିଏଫ୍ର ଜଣେ ମହିଳା ସୁରକ୍ଷାକର୍ମୀଙ୍କ ସହ ଜଣେ ସ୍ଥାନୀୟ ବାଳକ ହାତ ମିଳାଉଥିବା ଦେଖିବାକୁ ମିଳିଛି। ଏହି ଫଟୋକୁ ଦେଖିଲେ ଲାଗୁଛି ଯେପରି କଶ୍ମୀରବାସୀ ଘାଟିରେ ଶାନ୍ତିର ବାତାବରଣ ପାଇଁ ଅପେକ୍ଷାରତ ଅଛନ୍ତି। ଏହି ଫଟୋକୁ ଲକ୍ଷାଧିକ ୟୁଜର୍ସ ସୋସିଆଲ ମିଡିଆରେ ଶେୟାର କରିବା ସହ ବେଶ୍ ପ୍ରଶଂସା ମଧ୍ୟ କରିଛନ୍ତି। ଅପରପକ୍ଷରେ ଶୁକ୍ରବାର ସ୍ଥାନୀୟ ଅଞ୍ଚଳରେ ମୁସଲମାନ ସମ୍ପ୍ରଦାୟର ଲୋକଙ୍କ ଲାଗି ନମାଜ ପଢ଼ିବା ପାଇଁ ବ୍ୟାପକ ବନ୍ଦୋବସ୍ତ କରାଯାଇଛି।