ଭୁବନେଶ୍ୱର,୨୭।୨(ବ୍ୟୁରୋ): କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଶୁକ୍ରବାର ଓଡ଼ିଶା ଗସ୍ତରେ ଆସୁଛନ୍ତି। ଏହା ପୂର୍ବରୁ ବରିଷ୍ଠ କଂଗ୍ରେସ ନେତା ତଥା ଜଟଣୀ ବିଧାୟକ ସୁର ରାଉତରାୟ କଟାକ୍ଷ କରିଛନ୍ତି। ଶାହା ଫମ୍ପା ଆବାଜ କରିବାକୁ ଆସୁଛନ୍ତି। ସିଏଏକୁ ନେଇ ଆଉ ବୁଝାଇବା ପରିସ୍ଥିତି ନାହିଁ, ଦିଲ୍ଲୀ ଜଳୁଛି। ଯଦି ବୁଝାଇବାର ଅଛି ଦିଲ୍ଲୀକୁ ଯାଅ ବୁଝାଇବ ବୋଲି ସୁର କହିଛନ୍ତି।
ଏହି ଅବସରରେ ସୁର ବିଜେଡିକୁ ମଧ୍ୟ କଟାକ୍ଷ କରିବାକୁ ପଛାଇନାହାନ୍ତି। ନବୀନ ଶାହାଙ୍କ ସହ ମିଶିକରି ଅଛନ୍ତି, ସବୁ ବିଲ୍କୁ ସମର୍ଥନ ଦେଉଛନ୍ତି। ଯାହା ଲାଗୁଛି ନବୀନ ଏଥର ଭାଜପାକୁ ୨ଟି ଆସନ ଦେଇଦେବେ। କାହିଁକି ଭାଜପାର ଏତେ ଗୋଡ଼ାଣିଆ ହେଉଛ ବୋଲି ସୁର ପ୍ରଶ୍ନ କରିଛନ୍ତି।