ପାକିସ୍ତାନ କ୍ରିକେଟ ଦଳର ପୂର୍ବତନ ଅଲରାଉଣ୍ଡର ଶାହିଦ ଆଫ୍ରିଦି ଏବଂ ଭାରତୀୟ ଖେଳାଳି ଗୌତମ ଗମ୍ଭୀରଙ୍କ ମଧ୍ୟରେ ମତଭେଦ ସମସ୍ତଙ୍କୁ ଜଣା। କ୍ରିକେଟ ପଡିଆରେ ହେଉ କି ସୋସିଆଲ ମିଡିଆ ସବୁବେଳେ ପରସ୍ପର ବିରୋଧୀ ମନ୍ତବ୍ୟ ଦେଇ ଚର୍ଚ୍ଚାରେ ଥାନ୍ତି ଏହି ଦୁଇ ଖେଳାଳି। ନିକଟରେ ଆଫ୍ରିଦି କରୋନାରେ ସଂକ୍ରମିତ ହୋଇଛନ୍ତି। ଏ ନେଇ ସେ ନିଜେ ଟୁଇଟ୍ କରି ସୂଚନା ଦେଇଛନ୍ତି। ଆଫ୍ରିଦିଙ୍କ କରୋନା ପଜିଟିଭ ଖବର ଶୁଣିବା ପରେ ଗୌତମ ଗମ୍ଭୀର ତାଙ୍କର ଆଶୁ ଆରୋଗ୍ୟ କାମନା କରିଛନ୍ତି। ଗମ୍ଭୀର କହିଛନ୍ତି, ଆଫ୍ରିଦିଙ୍କ ସହିତ ମୋର ରାଜନୈତିକ ମତଭେଦ ଥାଇପାରେ କିନ୍ତୁ ସେ ଖୁବ୍ଶୀଘ୍ର ଆରୋଗ୍ୟ ଲାଭ କରନ୍ତୁ ମୁଁ ଏତିକି କାମନା କରୁଛି।
