ଭୋପାଳ,୧୯।୮: ସରକାରୀ ଚାକିରିରେ ବଦଳି ହେବା ଏକ ସାଧାରଣ ଘଟଣା। ତେବେ ମଧ୍ୟପ୍ରଦେଶ କଟନିରେ ଥିବା ଏକ ସ୍କୁଲରେ ଶିକ୍ଷକଙ୍କ ବଦଳି ଖବର ଶୁଣି ଛାତ୍ରୀଛାତ୍ର ସାର୍ଙ୍କୁ ଧରି ବିକଳରେ ବାହୁନି ବାହୁନି କାନ୍ଦିଥିଲେ। ସ୍ଥାନୀୟ ଖେମରଖେଡ଼ା ଅଞ୍ଚଳରେ ଥିବା ତିଲମନ୍ ଗାଁର ମାଧ୍ୟମିକ ସ୍କୁଲରେ ଶିକ୍ଷକ ମଙ୍ଗଳ ଦୀନ୍ ପଟେଲଙ୍କ ବଦଳି ହୋଇଥିଲା। ତେବେ ଖବର ସମ୍ପର୍କରେ ଛାତ୍ରୀଛାତ୍ର ଜାଣିବା ପରେ ଏକ ଅଭାବନୀୟ ପରିସ୍ଥିତି ସୃଷ୍ଟି ହୋଇଥିଲା। ଛାତ୍ରୀଛାତ୍ର ମଙ୍ଗଳଙ୍କୁ ଧରି କାନ୍ଦିଥିଲେ। ମଙ୍ଗଳଙ୍କ ଆଖିରୁ ମଧ୍ୟ ଲୁହ ବୋହି ଚାଲିଥିଲା। ଏହାର ଭିଡ଼ିଓ ଏବେ ସୋସିଆଲ୍ ମିଡ଼ିଆରେ ଭାଇରାଲ ହେବାରେ ଲାଗିଛି।