ଫୁଲବାଣୀ ଅଫିସ, ୩ା୧୨: ଶିକ୍ଷା, ସ୍ବାସ୍ଥ୍ୟ ଆମ ଅଧିକାର ଦାବି ନେଇ ଫୁଲବାଣୀରେ ଓଡ଼ିଶା ଶ୍ରମଜୀବୀ ମଞ୍ଚ ଓ ମହିଳା ଶ୍ରମଜୀବୀ ମଞ୍ଚ ପକ୍ଷରୁ ଏକ ରାଲି ସୋମବାର ମାଦିକୁନ୍ଦା ଛକରୁ ରାଲି ବାହାରି ସହର ପରିକ୍ରମା କରିଥିଲା। ୨୦୧୦ରୁ ରାଜ୍ୟରେ ଶିକ୍ଷା ଅଧିକାର ଆଇନ ପ୍ରଚଳିତ ହେଲା ା ୧୦ ବର୍ଷ ପରେ ମଧ୍ୟ ଶିକ୍ଷା ବ୍ୟବସ୍ଥାରେ ସେପରି ସୁଧାର ଆସିନାହିଁ। ଶିକ୍ଷା ଭଳି ସ୍ବାସ୍ଥ୍ୟ ବ୍ୟବସ୍ଥା ନ କହିବା ଭଲ। ଯେଉଁଠି ଡାକ୍ତରଖାନା ଅଛି ସେଠାରେ ଡାକ୍ତର ନାହାନ୍ତି। କେତେକ ସ୍ଥାନରେ ଡାକ୍ତର ଥିବା ବେଳେ ଅନ୍ୟ ସୁବିଧା ନାହିଁ ା ତେଣୁ ପ୍ରତି ଶ୍ରେଣୀ ନିମନ୍ତେ ସ୍ବତନ୍ତ୍ର ଶ୍ରେଣୀଗୃହ ଏବଂ ଶିକ୍ଷକ ନିଯୁକ୍ତି କରିବା, ବିଦ୍ୟାଳୟ ପରିଚାଳନା କମିଟିକୁ ସକ୍ରିୟ କରିବା, ଗାଁ କଲ୍ୟାଣ ସମିତିକୁ ସମ୍ପ୍ରସାରଣ କରିବା, ଉନ୍ନତ ସ୍ବାସ୍ଥ୍ୟସେବା, ସମସ୍ତ ପ୍ରାଥମିକ ସ୍ବାସ୍ଥ୍ୟକେନ୍ଦ୍ର ସ୍ତରରେ ମା’ ଗୃହ ସ୍ଥାପନ କରିବାକୁ ମହିଳା ମଜୀବୀ ମଞ୍ଚର ସାବିତ୍ରୀ ମାଝି, ତେଜସ୍ବିନୀ ଦେହୁରୀ, ଭାରତୀ ରାଓ, ସସ୍ମିତା ମଲ୍ଲିକ, ଉର୍ମିଳା ମାଝି ଏବଂ ଶ୍ରମଜୀବୀ ମଞ୍ଚର ସଞ୍ଜୟ ଦିଗାଲ, ରସାଲ ଡଙ୍ଗେରିଆ, ଦୁର୍ବାସା ସେଠୀ ପ୍ରମୁଖ
ଦାବି କରିଛନ୍ତି।