ହାଟଡିହୀ,୨୦।୧୦(ଡି.ଏନ୍.ଏ.): କେନ୍ଦୁଝର ଜିଲା ହାଟଡିହୀ ବ୍ଲକର ୩୬ନଂ. ଜୋନ୍ ଶିବନାରାୟଣପୁର ଠାରୁ ବଞ୍ଚୋ ଯାଏ ଜନସମ୍ପର୍କ ଅଭିଯାନ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ବଞ୍ଚୋ ସରପଞ୍ଚଙ୍କ ତତ୍ତ୍ୱାବଧାନରେ ଆନନ୍ଦପୁର ବିଧାୟକ ଭାଗୀରଥି ସେଠୀ, ଏମ୍ପି ପ୍ରାର୍ଥିନୀ ଚନ୍ଦ୍ରାଣୀ ମୁର୍ମୁ ଯୋଗଦେଇଥିଲେ। ଏହି ଅବସରରେ ହଜାର ହଜାର ସମର୍ଥକଙ୍କ ସହ ଶିବନାରାୟଣପୁର ଠାରୁ ପଦଯାତ୍ରା ବାହାରି ବିଭିନ୍ନ ଗ୍ରାମ ପରିକ୍ରମା କରି ବଞ୍ଚୋରେ ପହଞ୍ଚିଥିଲା। ଏଠାରେ ଆୟୋଜିତ ଏହି କାର୍ଯ୍ୟକ୍ରମରେ ଦଳର ସୁପ୍ରିମୋ ତଥା ନବୀନ ସରକାରଙ୍କ ବିଭିନ୍ନ ଜନହିତକର ଯୋଜନା ସମ୍ପର୍କରେ ଆଲୋକପାତ କରାଯାଇଥିଲା। ଆଗାମୀ ଦିନରେ ଭାଜପା ଓ କଂଗ୍ରେସର ମୂଳପୋଛ ପାଇଁ ଦଳୀୟ କର୍ମକର୍ତ୍ତାମାନେ ଆହ୍ବାନ ଦେଇଥିଲେ। ସରପଞ୍ଚ ଚମ୍ପାବତୀ ପୁହାଣ, ଏମ୍ପି ପ୍ରତିନିଧି ଶାନ୍ତନୁ ସେଠୀ, ବୁଦ୍ଧଦେବ ଜେନା, ଶଶାଙ୍କ ଶେଖର ପୁହାଣ, ସାବିତ୍ରୀ ସେଠୀ, ରବୀନ୍ଦ୍ର ନାୟକ, ବୈଦ୍ୟନାଥ ସାମଲ, ପୂର୍ବତନ ଏମ୍ପି ପ୍ରତିନିଧି ରତିକାନ୍ତି ରାଉତ, ସୁଧାକର ଓଝା, କଳ୍ପତରୁ ସେଠୀ, ଅମରେନ୍ଦ୍ର ଧଳ, ଧବଳ ପଟ୍ଟନାୟକ, ବିଶ୍ୱନାଥ ନାୟକ, ଗୋପାଳ ନାୟକ, ସରୋଜ ନାୟକ, ଶିଶିର ବେହେରା, ଅନନ୍ତ ପହି, ଗୌରାଙ୍ଗ ରଣା, ପ୍ୟାରୀମୋହନ ମଲିକ, ଜିଲା ସଭାପତି ବିମ୍ବାଧର ବିଶାଳ, ଜିଲା ପରିଷଦ ସଭ୍ୟ ସୁରେନ୍ଦ୍ର ଜେନା, ଚିନୁ ନାୟକ, ବିଜୟ ମଲିକ, ତ୍ରିଲୋଚନ ସା, ଯୁବନେତା ଜଗନ୍ନାଥ ନାୟକ ପ୍ରମୁଖ ସାମିଲ ଥିଲେ।