ଭାରତରେ ଭିନ୍ନତା ମଧ୍ୟରେ ସବୁବେଳେ ଏକତା ଦୃଷ୍ଟିଗୋଚର ହୋଇଥାଏ। ଭାଇଚାରା ଏବଂ ସାମ୍ପ୍ରଦାୟିକ ସଦ୍ଭାବ ହିଁ ଭାରତୀୟଙ୍କୁ ଏକାଠି ରଖିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ। ଏହି ମର୍ମରେ ଉତ୍ତରପ୍ରଦେଶ କନୌଜରେ ଥିବା ମହାଦେବଙ୍କ ମନ୍ଦିର ପାଲଟିଛି ସର୍ବଧର୍ମ ସମନ୍ବୟର ପବିତ୍ର କ୍ଷେତ୍ର। ଏଠାରେ ଶିବରାତ୍ରୀରେ ମୁସଲମାନ୍ ମହିଳା ମହାଦେବଙ୍କଠାରେ ଜଳଲାଗି କରିଥାନ୍ତି। ସ୍ଥାନୀୟ ଛିବରାମଉଠାରେ ଥିବା ମନ୍ଦିରରେ ଏହି ପରମ୍ପରା ୬ ଶହରୁ ଅଧିକ ବର୍ଷ ଧରି ପ୍ରଚଳିତ। ଏଠାରେ ଥିବା ଚମନ ଋଷିଙ୍କ ଆଶ୍ରମରେ ଶିବରାତ୍ରୀରେ ଜଳଲାଗି ହୋଇଥାଏ। ମୁସଲମାନ୍ ମହିଳା ବି ଶ୍ରଦ୍ଧାର ସହିତ ପ୍ରଭୁଙ୍କୁ ଜଳ ଲାଗି କରିଥାନ୍ତି। ମହାଦେବଙ୍କଠାରେ ଜଳଲାଗି କଲେ ମାନସିକ ପୂରଣ ହୋଇଥାଏ ବୋଲି ଶ୍ରଦ୍ଧାଳୁଙ୍କ ମଧ୍ୟରେ ବିଶ୍ୱାସ ରହିଛି।