ମୁମ୍ବାଇ,୧୩-୯(ପି.ଟି.): ୨୮୮ ଆସନ ବିଶିଷ୍ଟ ମହାରାଷ୍ଟ୍ର ବିଧାନସଭା ନିର୍ବାଚନ ଅକ୍ଟୋବର ଶେଷ ଆଡ଼କୁ ହେବାକୁ ଥିବାବେଳେ ଏଥିପାଇଁ ଶାସକ ଭାଜପା ଓ ଶିବସେନା ମଧ୍ୟରେ ଆସନ ବୁଝାମଣା ଲାଗି ଆଲୋଚନା ଆରମ୍ଭ ହୋଇଛି। ଭାଜପା ସହଯୋଗୀ ଦଳକୁ ୧୦୬ଟି ଆସନ ଯାଚିଥିବା ଜଣାପଡିଛି। ତେବେ ଶିବସେନା ଏଥିରେ ସନ୍ତୁଷ୍ଟ ନାହିଁ। ୧୨୦ରୁ କମ୍ ଆସନ ଗ୍ରହଣ କରିବାକୁ ଉଦ୍ଧବ ଠାକରେଙ୍କ ଦଳ ଚାହୁଁ ନ ଥିବା ଏକ ସୂତ୍ରରୁ ଜଣାପଡିଛି। ଅନ୍ୟତମ ସହଯୋଗୀ ଜନ ସ୍ବରାଜ୍ୟ ଶକ୍ତି ପାର୍ଟି ୪ ଆସନରେ ଲଢ଼ିପା ପାଇଁ ରାଜି ହୋଇଛି। ଗତ ଥର ଭାଜପା ଓ ଶିବସେନା ଅଲଗା ନିର୍ବାଚନ ଲଢ଼ିଥିଲେ। ଭାଜପା ୧୨୨ ଓ ଶିବସେନା ୬୩ ଆସନରେ ବିଜୟୀ ହୋଇଥିଲା। ଅନ୍ୟ ସହଯୋଗୀ ଦଳ ରିପବ୍ଲିକାନ୍ ପାର୍ଟି ଅଫ୍ ଇଣ୍ଡିଆ, ଶିବ ସଂଗ୍ରାମ ଏବଂ ରାଷ୍ଟ୍ରୀୟ ସମାଜ ପାର୍ଟି ସହ ଆସନ ବୁଝାମଣା ନେଇ ଆଲୋଚନା ଜାରି ରହିଛି। ଏହି ଦଳଗୁଡ଼ିକର ପ୍ରାର୍ଥୀ ଭାଜପା ଚିହ୍ନରେ ଲଢ଼ିବା ପ୍ରସ୍ତାବକୁ ଗ୍ରହଣ କରିନାହାନ୍ତି।
