ଖୁଣ୍ଟା,୧୮ା୫(ଡି.ଏନ୍.ଏ.)- ଶିମିଳିପାଳ ଅଭୟାରଣ୍ୟର ଡୁକୁରା ୱାଇଲ୍ଡ ଲାଇଫ୍ ରେଞ୍ଜ ଅଞ୍ଚଳରୁ ରବିବାର ରାତିରେ ୨ ଶିକାରୀଙ୍କୁ ବନ ବିଭାଗ ଗିରଫ କରିଛି। ଅଭିଯୁକ୍ତ ଦ୍ୱୟ ହେଲେ ଭୋଳାଗଡ଼ିଆ ଗ୍ରାମର ନରେନ୍ଦ୍ର ହେମ୍ବ୍ରମ ଓ ହାତିକୋଟ ଗ୍ରାମର କିରଣ ବିଶ୍ୱାଳ। ଉଭୟଙ୍କଠାରୁ ଏକ ଦେଶୀ ବନ୍ଧୁକ, ବାରୁଦ, ୨ କେ.ଜିରୁ ଊଦ୍ଧର୍ବ କୁଟାରୀ ମାଂସ, ଗୋଟିଏ ଧନୁ, ତୀର, କୁରାଢ଼ୀ, କଟୁରି ଜବତ ହୋଇଛି। ଡୁକୁରା ରେଞ୍ଜ ଅଧିକାରୀ ଅନନ୍ତ କୁମାର ଜେନାଙ୍କ ନିର୍ଦ୍ଦେଶ କ୍ରମେ ଶିମିଳିପାଳ ସଂରକ୍ଷିତ ଜଙ୍ଗଲର ସଞ୍ଜ ୧୮ ବ୍ୟାଘ୍ର ପ୍ରକଳ୍ପ ଅଞ୍ଚଳରେ ପାଟ୍ରୋଲିଂ ଜାରି ରହିଥିବାବେଳେ ରାତି ପ୍ରାୟ ୧୦ ଟା ୪୦ ସମୟରେ ଶିକାରୀ ଦ୍ୱୟ ବନ କର୍ମଚାରୀଙ୍କ ହାବୁଡ଼ରେ ପଡ଼ିଥିଲେ।