ଠାକୁରମୁଣ୍ଡା, ୨୮।୮(ଡି.ଏନ୍.ଏ.): ମୟୂରଭଞ୍ଜ ଜିଲା ଠାକୁରମୁଣ୍ଡା ରେଞ୍ଜ ମଣ୍ଡଳଝରୀ ବିଟ ଶିମିଳିପାଳ କମ୍ପାର୍ଟମେଣ୍ଟ ନଂ-୩ ସଂରକ୍ଷିତ ଜଙ୍ଗଲରୁ ସମ୍ବର ମାଂସ ସହ ୨ ଶିକାରୀଙ୍କୁ ବନ ବିଭାଗ ବୁଧବାର କାବୁ କରିଛି। ସେମାନେ ହେଲେ କାରେଟବେଡ଼ା ଗ୍ରାମର ଲବ ସୋରେନ ଓ ଫୋର୍ମଲ ମୁର୍ମୁ। ସେମାନଙ୍କ ନିକଟରୁ ୪ କେଜି ସମ୍ବର ମାଂସ ସହ ଧନୁ ଓ ତୀର ଜବତ କରାଯାଇଛି।
ପ୍ରକାଶ ଯେ, କେଶଡ଼ିହା ପଞ୍ଚାୟତ କାରକେଟବେଡା ଗ୍ରାମ ନିକଟ ସଂରକ୍ଷିତ ଜଙ୍ଗଲକୁ କିଛି ଶିକାରୀ ମଙ୍ଗଳବାର ଶିକାର ପାଇଁ ଯାଇଥିବା ବନବିଭାଗ ଖବର ପାଇଥିଲା। ପରେ ବନବିଭାଗ କର୍ମଚାରୀ ଜଙ୍ଗଲ ଭିତରେ ଶିକାରୀଙ୍କୁ ଖୋଜି ନ ପାଇବାରୁ ଫେରିବା ବାଟରେ ଜଗି ରହିଥିଲେ। ଶିକାରୀମାନେ ସମ୍ବର ମାଂସ ଧରି ଫେରିବା ବେଳେ ବନ କର୍ମଚାରୀ ସେମାନଙ୍କୁ କାବୁ କରିଥିଲେ। ସେମାନଙ୍କ ମଧ୍ୟରୁ ୨ଜଣ ଧରା ପଡିଥିବା ବେଳେ ପ୍ରାୟ ୫ଜଣ ଖସି ପଳାଇବାରେ ସକ୍ଷମ ହୋଇଥିବା ଠାକୁରମୁଣ୍ଡା ରେଞ୍ଜ ଅଧିକାରୀ ପ୍ରଭାତ କୁମାର କୁଅଁର ସୂଚନା ଦେଇଛନ୍ତି। ଏ ନେଇ ବନ ବିଭାଗ କେସ ନଂ. ୮୯/୧୯ରେ ଏକ ମାମଲା ରୁଜୁ କରିଛି।