ମୁମ୍ବାଇ: ବଲିଉଡ୍ ଅଭିନେତ୍ରୀ ଶିଳ୍ପା ସେଟ୍ଟୀଙ୍କ ଆଜି ୪୪ତମ ଜନ୍ମଦିନ। ଏହି ଅବସରରେ ତାଙ୍କ ନିକଟକୁ ପରିବାର, ଶୁଭେଚ୍ଛୁ ତଥା କଳାକାର ବନ୍ଧୁମାନଙ୍କ ନିକଟରୁ ଶୁଭେଚ୍ଛାର ସୁଅ ଛୁଟିଛି। ଏସବୁରେ ସବୁଠାରୁ ସ୍ବତନ୍ତ୍ର ରହିଛି ସ୍ବାମୀ ରାଜ କୁନ୍ଦ୍ରାଙ୍କ ବାର୍ତ୍ତା। ରାଜ ଇନ୍ଷ୍ଟା ଆକାଉଣ୍ଟରେ ଶିଳ୍ପାଙ୍କ ସହ ନିଜର ଏକ ଫଟୋ ଶେୟାର କରି ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି। ସେ ଲେଖିଛନ୍ତି, ଯେବେ ବି ଆମ ଯାତ୍ରା ବିଷୟରେ ଭାବେ, ଭଗବାନଙ୍କୁ ନିଜର ପ୍ରିୟ ପରି ମୋତେ ଦେଇଥିବାରୁ ଧନ୍ୟବାଦ। ମୁଁ ତୁମକୁ ବହୁତ ଭଲପାଏ। ଭଗବାନ ତୁମର ସବୁ ସ୍ବପ୍ନ ଓ ଇଚ୍ଛା ପୂରଣ କରନ୍ତୁ। ଜଣେ ଖୁସି ଓ ସୁସ୍ଥ ଜୀବନ ଜିଇଁବା ଲାଗି ବୟସ କେବଳ ଏକ ଅଙ୍କ ବୋଲି ତୁମେ ପ୍ରମାଣ କରିଛ। ଆମକୁ ପ୍ରେରଣା ଦେବାକୁ ନେଇ ଧନ୍ୟବାଦ ବୋଲି ସେ କହିଛନ୍ତି।
ରାଜ-ଶିଳ୍ପାଙ୍କ ପ୍ରେମକାହାଣୀକୁ ଯଦି ଦେଖାଯାଏ, ତେବେ ୨୦୦୭ରେ ଏହା ଆରମ୍ଭ ହୋଇଥିଲା। ୨୦୦୯ରେ ଉଭୟ ବିବାହ କରିଥିଲେ। ଉଭୟ ପ୍ରଥମେ ବ୍ୟବସାୟରେ ପାର୍ଟନର ଥିଲେ। ଏବେ ଉଭୟଙ୍କ ଏକ ପୁଅ ବିଆନ ଅଛି।