ଭୁବନେଶ୍ୱର, ୨୫ା୫(ବ୍ୟୁରୋ)
ଶିଶୁରୋଗ ବିଶେଷଜ୍ଞ ଡାକ୍ତର ଅକ୍ଷୟ କୁମାର ରାଉତଙ୍କର ସୋମବାର ସନ୍ଧ୍ୟାରେ ଭୁବନେଶ୍ୱରଠାରେ ପରଲୋକ ହୋଇଯାଇଛି। ତାଙ୍କୁ ୭୦ ବର୍ଷ ବୟସ ହୋଇଥିଲା। କେନ୍ଦ୍ରାପଡ଼ା ଜିଲା ପଟ୍ଟାମୁଣ୍ଡାଇର ବଲୁରିଆ ଗ୍ରାମରେ ସେ ୧୯୫୦ ମସିହା ଫେବୃୟାରୀ ୭ରେ ଜନ୍ମଗ୍ରହଣ କରିଥିଲେ। ସେ ନିଜ ଗଁ। ସ୍କୁଲରେ ଶିକ୍ଷା ଶେଷ କରି ୧୯୭୨ରେ କଟକ ଏସ୍ସିବି ମେଡିକାଲ କଲେଜରୁ ଡାକ୍ତରୀ ପାସ୍ କରିଥିଲେ। ସେ ଗରିବ ପିଲାଙ୍କୁ ବିନା ମୂଲ୍ୟରେ ଚିକିତ୍ସା ଯୋଗାଇ ଟାଟାନଗରରେ ସୁନାମ ଅର୍ଜନ କରିଥିଲେ। ତାଙ୍କ ଟେଲ୍କୋ କ୍ଲିନିକ୍ ବହୁ ଗରିବ ପିଲାଙ୍କ ପାଇଁ ଆଶା ସଞ୍ଚାର କରିଥିଲା। ଭୁବନେଶ୍ୱରସ୍ଥିତ ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଥିବା ବେଳେ ତାଙ୍କର ମୃତ୍ୟୁ ହୋଇଛି। ସ୍ବର୍ଗତ ରାଉତଙ୍କ ସ୍ତ୍ରୀ ଏବଂ ୩ ଝିଅ ଅଛନ୍ତି। ତାଙ୍କ ବଡ଼ଝିଅ ସୁଜାତା କାର୍ତ୍ତିକେୟନ ଆଇଏଏସ ଅଫିସର। ସେ ବର୍ତ୍ତମାନ ଓଡ଼ିଶା ସରକାରଙ୍କ ମିଶନ ଶକ୍ତିର ନିର୍ଦ୍ଦେଶିକା ଅଛନ୍ତି। ସୁଜାତା ହେଉଛନ୍ତି ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ(୫-ଟି) ଭି. କାର୍ତ୍ତିକେୟନ ପାଣ୍ଡିଆନଙ୍କ ଧର୍ମପତ୍ନୀ। ଅନ୍ୟ ଦୁଇଝିଅ ସୁସ୍ମିତା ରାଉତ ପ୍ରାଣୀ ଚିକିତ୍ସକ ଏବଂ ସାନ ଝିଅ ସୁଚିତ୍ରା ରାଉତ ଜଣେ ମ୍ୟାନେଜ୍ମେଣ୍ଟ ବୃତ୍ତିଧାରୀ।