ନୂଆଦିଲ୍ଲୀ,୨୦।୬: ଭାରତୀୟ ଜୀବନ ବୀମା ନିଗମ (ଏଲ୍ଆଇସି)ର ଇନିସିଆଲ ପବ୍ଲିକ ଅଫରିଂ( ଆଇପିଓ) ଶୀଘ୍ର ଆସିବ। ଏଥି ଲାଗି ସରକାର ପରାମର୍ଶଦାତାଫାର୍ମ, ନିବେଶ ବ୍ୟାଙ୍କର ଏବଂ ବିତ୍ତୀୟ ସଂସ୍ଥାଗୁଡିକଠାରୁ ଟେଣ୍ଡର ଆମନ୍ତ୍ରଣ କରିଛନ୍ତି। ଏଲ୍ଆଇସି ଆଇପିଓ ଆସିଲେ ଏହା ଦେଶର ସବୁଠାରୁ ବଡ ଆଇପିଓ ହେବ ବୋଲି କୁହାଯାଉଛି। ଏଥିଲାଗି ସରକାର ୨ ପୂର୍ବ ଟ୍ରାଞ୍ଜାକଶନ ପରାମର୍ଶଦାତା ସାମିଲ କରିବେ। ସରକାର ଏୟାର ଇଣ୍ଡିଆ, ବିପିସିଏଲ୍,କନକର ସମେତ ଅନ୍ୟ କମ୍ପାନୀଗୁଡିକରୁ ଅଂଶଧନ ବିକ୍ରି କରିବା ଲାଗି ବର୍ତ୍ତମାନ ଯୋଜନା ରଖିଛନ୍ତି। କୋଭିଡ୍ କାରଣରୁ ବର୍ତ୍ତମାନ ଏଥିରେ ବାଧା ଉପୁଜିଛି। ଶୁକ୍ରବାର ଜାରି ହୋଇଥିବା ରିକ୍ୱେଷ୍ଟ ପ୍ରପୋଜାଲ ମୁତାବକ ଟେଣ୍ଡରର ଚୂଡାନ୍ତ ତାରିଖ ୧୩ ଜୁଲାଇ ରଖାଯାଇଛି। ବଜେଟରେ ଅର୍ଥମନ୍ତ୍ରୀ ନିର୍ମଳା ସୀତାରାମ ଏଲ୍ଆଇସି ଆଇପିଓ ସମ୍ପର୍କରେ ଘୋଷଣା କରିଥିଲେ। ଟେଣ୍ଡରରେ ଭାଗନେବାକୁ ହେଲେ ଅନ୍ତତଃ ପକ୍ଷେ ୩ ବର୍ଷର ଅଭିଜ୍ଞତା ରହିବା ଆବଶ୍ୟକ।