ଶୀତଦିନେ ଓଠ ଫାଟିବା ସମସ୍ତଙ୍କ ପାଇଁ ଏକ ସମସ୍ୟା। ସେହି ସମୟରେ ତ୍ୱଚା ସହ ଓଠର ମଧ୍ୟ ବହୁ ଯତ୍ନ ନେବାକୁ ପଡ଼ିଥାଏ। କାରଣ ଓଠ ଫାଟିବା ଦ୍ବାରା ଖାଇବା ବେଳେ ମଧ୍ୟ କଷ୍ଟ ହୋଇଥାଏ। ଏହି ସମସ୍ୟାରୁ ମୁକ୍ତି ପାଇବା ପାଇଁ ଆମେ ବଜାରରେ ମିଳୁଥିବା ବିଭିନ୍ନ କିସମର କ୍ରିମ୍କୁ ବ୍ୟବହାର କରିଥାଉ। ହେଲେ ଏହା ଅସ୍ଥାୟୀ ଭାବେ କାମ କରିଥାଏ। ତେବେ ଘରୋଇ ଉପାୟରୁ ମଧ୍ୟ ଓଠ ଫାଟିବା ସମସ୍ୟାରୁ ସ୍ଥାୟୀ ଉପଶମ ମିଳିପାରିବ।
*ଓଠକୁ ନମନୀୟତା ବଜାୟ ରଖିବାକୁ ହେଲେ ପ୍ରଥମେ ନିଜ ଖାଦ୍ୟପାନୀୟ ଉପରେ ଧ୍ୟାନ ଦେବାକୁ ପଡ଼ିବ। ଯେଭଳି ଶରୀରରୁ ଭିଟାମିନ୍-ଏ ଓ ବି-କମ୍ପ୍ଲେକ୍ସ କମ୍ ନ ହୁଏ। ଏଥିପାଇଁ ପ୍ରତିଦିନ ନିଜ ଖାଇବାରେ ସବୁଜ ପରିବା, କ୍ଷୀର, ସତେଜ ଫଳ ଆଦି ସାମିଲ କରିବା ଉଚିତ।
* ଶୀତଦିନେ ପାଣି ଥଣ୍ଡା ଥିବାରୁ ଏହାକୁ ପିଇବାକୁ କେତେକେ ଆଦୌ ଭଲପାଆନ୍ତିନି। କମ୍ ପାଣି ପିଇବା ଦ୍ୱାରା ଏହା ସିଧାସଳଖ ଶରୀର ଉପରେ ପ୍ରଭାବ ପକାଇଥାଏ। ଏହାଦ୍ୱାରା ଚର୍ମ ଓ ତ୍ୱଚା ଆର୍ଦ୍ର ମଧ୍ୟ ହୋଇଥାଏ। ତେଣୁ ଏହି ସମୟରେ ପ୍ରଚୁର ପାଣି ପିଇବା ଉଚିତ।
*ଗୋଲାପ ଫୁଲ ପାଖୁଡାକୁ ଛିଣ୍ଡାଇ ତାକୁ ପାଣିରେ ଭଲ ଭାବେ ଧୋଇ ଦିଅନ୍ତୁ। ଏହାକୁ କ୍ଷୀରରେ କିଛି ସମୟ ଭିଜାଇ ପେଷ୍ଟ କରିଦିଅନ୍ତୁ। ପେଷ୍ଟକୁ ୧୫ମିନିଟ ରଖିବା ପରେ ଓଠରେ ଲଗାନ୍ତୁ। ଏପରି କରିବା ଦ୍ବାରା ଓଠ ନରମ ହେବା ସହ ଗୋଲାପୀ ହୋଇଥାଏ। ଫାଟିବାର ସମସ୍ୟା ମଧ୍ୟ ରହି ନ ଥାଏ।
* ଆଲୋଭିରାର ଉପର ଚୋପାକୁ କାଟି ଦିଅନ୍ତୁ। ଏହାକୁ ଓଠରେ ହାଲୁକା ଭାବେ ୫ମିନିଟ୍ ଘଷନ୍ତୁ। ଏଭଳି କରିବା ଦ୍ବାରା ଓଠର ରୁକ୍ଷତା ଦୂର ହୋଇଯିବ। ସେହିପରି ରାତିରେ ଶୋଇବା ପୂର୍ବରୁ ଓଠରେ କାକୁଡି ରସ ଲଗାନ୍ତୁ। ଏପରି କରିବା ଦ୍ବାରା ଓଠ ନରମ ହେବା ସହ ପ୍ରାକୃତିକ ରଙ୍ଗ ଆସିଯିବ।
* ମହୁରେ ଅନେକ ପ୍ରକାର ପୋଷକ ତତ୍ତ୍ବ ରହିଛି। ଏହାକୁ ଓଠରେ ଲଗାଇବା ଦ୍ବାରା ନରମ ହୋଇଥାଏ ଏବଂ ଫାଟିବାର ସମସ୍ୟା ମଧ୍ୟ ନ ଥାଏ।
*ରାତିରେ ଶୋଇବା ବେଳେ ନାଭିରେ ସୋରିଷ ତେଲ ଲଗାନ୍ତୁ। ପ୍ରତିଦିନ ଏପରି କରିବା ଦ୍ବାର ଥଣ୍ଡା ନ ହେବା ସହ ଓଠ ମଧ୍ୟ ଫାଟି ନ ଥାଏ। ତେବେ ଓଠ ଫାଟିଥିଲେ ପାଚିଲା ଅମୃତଭଣ୍ଡା ରସକୁ ମଧ୍ୟ ଲଗାଇ ପାରିବେ। ଏହାଦ୍ବାରା ଓଠ କୋମଳ ଏବଂ ନରମ ହୋଇଥାଏ।