ବର୍ତ୍ତମାନ ଚାରିଆଡ଼େ ଶୀତର ଲହରି। ଏଥିରୁ ରକ୍ଷା ପାଇବା ପାଇଁ କିଛି ଲୋକଙ୍କର ଗରମପାଣିରେ ଗାଧୋଇବାର ଅଭ୍ୟାସ ଥାଏ। ମାତ୍ର ଗରମପାଣିରେ ଗାଧୋଇଲେ ସ୍ବାସ୍ଥ୍ୟ ପ୍ରତି କୁପ୍ରଭାବ ପଡ଼େ ବୋଲି ଅନେକେ ଜାଣି ନ ଥିବେ। ଆମେରିକାର ଏକ ସ୍ବାସ୍ଥ୍ୟ ବିଶେଷଜ୍ଞ ଦଳ ପରୀକ୍ଷା କରି ଏ ସମ୍ପର୍କରେ କହିଛନ୍ତି, ପ୍ରାୟ ୫୦ ଲୋକଙ୍କୁ ନେଇ ଏକ ପରୀକ୍ଷା କରାଯାଇଥିଲା। ଯେଉଁ ଲୋକମାନେ ଗରମପାଣିରେ ଗାଧୋଇ ଥିଲେ ସେମାନଙ୍କର ଚର୍ମ, କେଶ, ରକ୍ତକଣିକା ଆଦି ପ୍ରଭାବିତ ହୋଇଥିଲା। ଗରମପାଣିରେ ଗାଧୋଇଲେ ଆରାମ ଲାଗିଥାଏ। ମାତ୍ର ବିଭିନ୍ନ ରୋଗ ଦେଖାଦେଇଥାଏ। ଜାଣନ୍ତୁ ଏ ସମ୍ପର୍କରେ…
– ଗରମପାଣି ତ୍ୱଚା ପାଇଁ ଆଦୌ ଶୁଭଙ୍କର ନୁହେଁ। ତ୍ୱଚା ଲାଲ୍ ହେବା ସହ କୁଣ୍ଡାଇ ହୋଇଥାଏ।
– କେଶ ପ୍ରତି କୁପ୍ରଭାବ ପକାଇଥାଏ। ଏହା କେଶର ମଏଶ୍ଚରାଏଜର କମାଇଦିଏ। ଫଳରେ କେଶ ଝଡ଼ିବା ଆରମ୍ଭ ହୋଇଥାଏ।
– ପାଚନତନ୍ତ୍ରରୁ ତ୍ୱଚା ପର୍ଯ୍ୟନ୍ତ ରକ୍ତ ପ୍ରବାହକୁ ଅସନ୍ତୁଳିତ କରିଦିଏ।
– ଚର୍ମ ଶୁଷ୍କ ହୋଇଯାଏ।
ତେଣୁ ଗରମପାଣିରେ ଗାଧୋଇବା ନିହାତି ଆବଶ୍ୟକ ପଡୁଥିଲେ ତୁରନ୍ତ ଡାକ୍ତରଙ୍କ ପରାମର୍ଶ ନିଅନ୍ତୁ।