ଲୁସାକା: ବିଶ୍ୱର ପ୍ରମୁଖ ଜଳପ୍ରପାତ ମଧ୍ୟରୁ ଦକ୍ଷିଣଆଫ୍ରିକାର ଜାମ୍ବିଆ ଏବଂ ଜିମ୍ବାଓ୍ବେକୁ ବିଭାଜନ କରୁଥିବା ଭିକ୍ଟୋରିଆ ଜଳପ୍ରପାତ ଅନ୍ୟତମ। ୩୫୫ ଫୁଟ ଉଚ୍ଚର ଏହି ଜଳପ୍ରପାତ ପ୍ରତିବର୍ଷ ହଜାର ହଜାର ସଂଖ୍ୟାର ପର୍ଯ୍ୟଟକଙ୍କୁ ଆକର୍ଷିତ କରିଥାଏ। ମାତ୍ର ୨୫ ବର୍ଷ ଧରି ଏହି ପ୍ରପାତ ଶୁଖିଆସୁଛି। ପ୍ରାୟ ୫୦ ପ୍ରତିଶତ ଏହା ଶୁଖିଗଲାଣି। ଏବେ ପାଣି ଦୁଇ ଧାର ହୋଇ ବହୁଥିବା ଦେଖିବାକୁ ମିଳିଛି।
ଜାମ୍ବିୟନ ରାଷ୍ଟ୍ରପତି ଏଡ୍ଗର ଚଗଓ୍ବା ଲିଙ୍ଗୁ କହିଛନ୍ତି, ଜଳବାୟୁ ପରିବର୍ତ୍ତନ ଯୋଗୁ ଏହା ପ୍ରଭାବିତ ହେଉଛି। ମାତ୍ର ରାଷ୍ଟ୍ରପତିଙ୍କ ଏହି କଥାକୁ ପ୍ରର୍ଯ୍ୟଟନ ବୋର୍ଡ ଖାରଜ କରିଦେଇଛି। ବୋର୍ଡ କହିଛି, ଏହା ଜୀବନକାଳ ମଧ୍ୟରେ କେବେ ଶୁଖିବ ନାହିଁ। ପାଣି କମ୍ ରହିପାରେ। ଯେତିକି ପାଣିର ଆବଶ୍ୟକ ରହିଛି, ସେତିକି ମିଳି ନ ପାରେ କିନ୍ତୁ କେବେ ବି ଏହା ଶୁଖିବ ନାହିଁ।
ଏଠାକୁ ପର୍ଯ୍ୟଟକମାନେ ଆସୁଥିବାରୁ ଅର୍ଥ ବ୍ୟବସ୍ଥା ସୁଦୃଢ଼ ହୋଇଥାଏ। ଯଦି ଏହା ଶୁଖିଯିବ ତେବେ ଦେଶ ଆର୍ଥତ୍କ ମାନ୍ଦାବସ୍ଥା ଦେଇ ଗତି କରିବ। ଏହା ସହିତ ଏଠାକାର ୪ଟି ନ୍ୟାଶନାଲ ପାର୍କର ଜୀବଜନ୍ତୁଙ୍କ ପ୍ରତି ମଧ୍ୟ ଭୟଙ୍କର ବିପଦ ମାଡ଼ି ଆସିବ।