ଯେକୌଣସି ବ୍ୟକ୍ତି କୌଣସି ବାସ୍ନା କିମ୍ବା ଗନ୍ଧକୁ କେବଳ ନାକରେ ଶୁଙ୍ଘି ନ ଥାଆନ୍ତି, ବରଂ ଏ ନେଇ ଜିଭର ମଧ୍ୟ ସାହାଯ୍ୟ ନେଇଥାଆନ୍ତି। ଏହାକୁ ନେଇ ବୈଜ୍ଞାନିକମାନେ ଏକ ନୂତନ ଗବେଷଣାରେ ଦାବି କରିଛନ୍ତି। ଫିଲାଡେଲ୍ଫିଆ ମେନ୍ ମୋନେଲ କେମିକାଲ ସେନ୍ସ ସେଣ୍ଟରର ବାୟୋଲୋଜି ଡକ୍ଟର ମେହମତ ଓଜନର କହିଛନ୍ତିଯେ, ମଣିଷ ଜିଭ ଦ୍ୱାରା ମଧ୍ୟ ଶୁଙ୍ଘିପାରିବେ। ଏନେଇ ସମ୍ପୃକ୍ତ ବୈଜ୍ଞାନିକ ମନୁଷ୍ୟର ଶୁଙ୍ଘିବାକୁ ନେଇ ଏକ ଗବେଷଣା କରିଥିଲେ। ଏପରି ଗବେଷଣା କରିବା ପାଇଁ ତାଙ୍କର ସେହିଦିନ ଇଚ୍ଛାହେଲା, ଯେଉଁ ଦିନ ୧୨ ବର୍ଷର ପୁଅ ସାପକୁ ଦେଖି କହିଲା ସାପ ଶୁଙ୍ଘିବା ପାଇଁ ଜିଭ ବାହାରକୁ କରିଥାଏ।
ଓଜନରଙ୍କ କହିବା ଅନୁଯାୟୀ, ସାପ ସିଧା ଜିଭରେ ଗନ୍ଧ ଶୁଙ୍ଘି ନ ଥାଏ। ସେ ଶୁଙ୍ଘିବା ପାଇଁ ମୁହଁର କୌଣସି ଜିନିଷ ପାଖକୁ ନେଇଥାଏ। ମାତ୍ର ମଣିଷ ସିଧାସଳଖ ଜିଭରେ ଶୁଙ୍ଘି ଥାଏ।