ଶେରଗଡ଼, ୭।୪(ଡି.ଏନ୍.ଏ.): ଗଞ୍ଜାମ ଜିଲା ଶେରଗଡ଼ ପୋଲିସ ପକ୍ଷରୁ ଲକ୍ଡାଉନ ସମୟରେ ଚଢ଼ାଉ ଜାରିରହିଛି। ଥାନା ଅଧିକାରୀ ରମେଶ ଚନ୍ଦ୍ର ଦାସ ଶେରଗଡ଼ ବଜାର ଛକ ଓ ଚାରି ଛକରେ ପାଟ୍ରୋଲିଂ ଜାରି ରଖିଛନ୍ତି। ଲକ୍ଡାଉନ୍ ଜାରି ରହିଥିବା ବେଳେ ରବିବାର ଓ ସୋମବାର ୧୨ ଜଣ ବାଇକ୍ ଚାଳକଙ୍କ ଉପରେ ମାମଲା ରୁଜୁ ହୋଇଛି। ସେମାନଙ୍କ ନିକଟରୁ ୨୦୦୦ ଟଙ୍କା ଜରିମାନା ଆଦାୟ ହୋଇଛି। ବ୍ୟାପକ ପାଟ୍ରୋଲିଂ ଜାରି ରହିଥିବା ଥାନା ଅଧିକାରୀ ଦାସ କହିଛନ୍ତି। ସେହିପରି ତହସିଲଦାର ଡ. ଦୟାସିନ୍ଧୁ ପରିଡା ଶେରଗଡ଼ କାଳିଆ ହୋଟେଲ ଛକରେ ଚଢ଼ାଉକରି କତେକ ବାଇକ ଚାଳକଙ୍କୁ ତାଗିଦ କରିଥିବା ଜଣାପଡ଼ିଛି।