ଶେରଗଡ଼,୮ା୧୦(ଡି.ଏନ.ଏ.)- ଶେରଗଡ଼ ରମୁଣିସାହି ଓ ହରିଜନସାହିରେ ଓଷାକୋଠି ଯାତ୍ରା ଆରମ୍ଭ ହୋଇଛି। ଦୁଇ ସାହି ଲୋକେ ନିଜ ସାହିର କୋଠ ଘରେ ଏକତ୍ରିତ ହୋଇ ଓଷାକୋଠି ଚିତ୍ର ଆଙ୍କିଥିବା କାନ୍ଥରେ ଫୁଲଚନ୍ଦନ ଦେବାପରେ ମା’ ରାମଚଣ୍ଡୀଙ୍କ ଆଜ୍ଞାମାଳ ଆଣିଥିଲେ। ହରିଜନ ସାହିରେ ମଧ୍ୟ ତାଙ୍କ ଠାକୁରାଣୀଙ୍କ ଆଜ୍ଞାମାଳ ଆଣି ଥିଲେ। ଉଭୟ ସାହି ଅଲଗା ଅଲଗା ଭାବେ ନନ୍ଦିନୀ ନଦୀକୁ ଯାଇ ଜଳ କଳସ ଆଣିଥିଲେ। କୋଠଘରେ ଉକ୍ତ କଳସ ରଖି ପାରମ୍ପରିକ ପୂଜାର୍ଚ୍ଚନା ହୋଇଥିଲା। ମୁଗ ଗଜାହେବା ପାଇଁ ପକାଯାଇଥିଲା। ଏହିପରି ପ୍ରତିଦିନ ସକାଳେ ସନ୍ଧ୍ୟାରେ କୁମାରପୂର୍ଣ୍ଣିମା ପର୍ଯ୍ୟନ୍ତ ପୂଜା ଚାଲିବ। ସେହିପରି ବ୍ଲକର ରାମଗିରି, ପାଟପଲି, ବରମୁଣ୍ଡଳୀ, ସାଗରପଲି, ଭୁଶୁଣ୍ଡା, ତାକରଡା, ଧବଳପୁର, ଗୋବିନ୍ଦପୁର, ନରେନ୍ଦ୍ରପୁର, ଗୋଠଗାଁ, କୁରୁଲା, ଲକ୍ଷ୍ମୀପୁର, ବି.ନୂଆପଲ୍ଲୀ ପ୍ରଭୃତି ଗ୍ରାମରେ ମଧ୍ୟ ଓଷାକୋଠି ଯାତ୍ରା ଆରମ୍ଭହୋଇଛି।