ବହୁତ କମ ଦିନରେ ସଫଳତାର ଶୀର୍ଷରେ ପହଞ୍ଚିଥିବା ବଲିଉଡ ଷ୍ଟାର ସୁଶାନ୍ତ ସିଂହ ରାଜପୁତ ବେକରେ ଫାଶୀ ଲଗାଇ ଆତ୍ମହତ୍ୟା କରିଛନ୍ତି। ମାତ୍ର ୩୪ ବର୍ଷ ବୟସରେ ସେ କାହିଁକି ଏଭଳି ଚରମ ପଦକ୍ଷେପ ନେଲେ, ତା’ର କାରଣ ଏଯାଏ ଜଣାପଡିନାହିଁ। ତଥାପି ସେ ଦୀର୍ଘ ୬ ମାସ ହେଲା ବିଷାଦଗ୍ରସ୍ତ ଥିଲେ। ଏଥିପାଇଁ ତାଙ୍କର ଚିକିତ୍ସା ମଧ୍ୟ ଚାଲିଥିଲା। ହେଲେ ସେ କାହିଁକି ଡିପ୍ରେସନକୁ ଯାଇଥିଲେ, ସେକଥା କେହି ବି କହିପାରୁନାହାନ୍ତି। ସୁଶାନ୍ତ ସର୍ବଦା ହସହସ ମୁହଁରେ ସମସ୍ତଙ୍କୁ ଭେଟୁଥିଲେ। ମନ ଭିତରେ ଅନେକ ବ୍ୟଥା ରହିଥିଲେ ହେଁ ସେ କେବେ ହେଲେ ଏହାକୁ ନିଜ ମୁହଁରେ ଆସିବାକୁ ଦେଇ ନ ଥିଲେ। ଲକ୍ଷଲକ୍ଷ ଫ୍ୟାନ ଓ ବଲିଉଡକୁ ଏକା କରି ଚାଲିଯାଇଥିବା ସୁଶାନ୍ତଙ୍କ ସମ୍ପର୍କରେ ଏବେ ଆଉ ଏକ ତଥ୍ୟ ସାମ୍ନାକୁ ଆସିଛି। ଯେଉଁଦିନ ସେ ଆତ୍ମହତ୍ୟା କରିଥିଲେ ସେଦିନ ସେ ନିଜ ହ୍ବାଟ୍ସଆପ୍ ଦେଖିଥିଲେ। ଶେଷଥର ସେ କେତେବେଳେ ଦେଖିଥିଲେ ତା’ର ଖୁଲାସା କରିଛନ୍ତି ଫିଲ୍ମ ନିର୍ମାତା ଆନନ୍ଦ ଗାନ୍ଧୀ। ସେ କହିଛନ୍ତି, ଆତ୍ମହତ୍ୟା ଦିନ ସକାଳ ୯.୧୫ରେ ସୁଶାନ୍ତ ଶେଷଥର ପାଇଁ ହ୍ବାଟ୍ସଆପ୍ ଦେଖିଥିଲେ। ଏବେ ତାଙ୍କ ହ୍ବାଟ୍ସଆପ୍ ଲାଷ୍ଟ୍ ସିନ୍ ୯.୧୫ ଦେଖାଉଛି। ସେ ଇନ୍ଷ୍ଟାଗ୍ରାମରେ ଏକ ଭିଡିଓ ପୋଷ୍ଟ କରିଛନ୍ତି। ଭିଡିଓରେ ସୁଶାନ୍ତ ହସୁଥିବାର ଦେଖାଯାଇଛି। ସୁଶାନ୍ତ ସବୁବେଳେ ବିନ୍ଦାସ ଏବଂ ସଚ୍ଚୋଟ ହୃଦୟର ବ୍ୟକ୍ତି ଥିଲେ ବୋଲି ଆନନ୍ଦ କହିଛନ୍ତି।
https://www.instagram.com/p/CBgTexhp0Ic/?utm_source=ig_web_copy_link
