କେନ୍ଦୁଝର,୧୭।୫(ସ୍ବ.ପ୍ର.): ଘଟଗାଁ ବ୍ଲକ କାଶିବେଡ଼ା ମୁଣ୍ଡା ସାହିର ଧୃବ ମୁଣ୍ଡା ଓରଫ (ପୋଟଳ)ଙ୍କ ରହିବା ଘରୁ ଶୁକ୍ରବାର ୩୦ରୁ ଊର୍ଦ୍ଧ ବିରଳ ପ୍ରଜାତିର ବିଷଧର ସାପ ରହିଥିବା ଘର ଲୋକେ ଦେଖିଥିଲେ । ସକାଳୁ ଘର ଝାଡ଼ୁ କରିବା ସମୟରେ ଘର ଭିତରେ ସାପ ରହିଥିବା ଦେଖିବା ପରେ ଗ୍ରାମବାସୀଙ୍କୁ ଜଣାଇଥିଲେ। ଏନେଇ ବନ ବିଭାଗକୁ ଖବର ଦିଆଯାଇଥିଲା। ଖବର ପାଇ ବନ ବିଭାଗ ହରିଚନ୍ଦନପୁର ଚକ୍ରଧରପୁର ଗ୍ରାମର ସାପ ଧରାଳି ପ୍ରହ୍ଲାଦ ନାୟକଙ୍କ ସହ ଧୃବଙ୍କ ଘରେ ପହଞ୍ଚି ୨ଟି ବିରଳ ପ୍ରଜାତିର ସାପକୁ ସୁରକ୍ଷିତ ଭାବେ ଉଦ୍ଧାର କରିବା ସହ ସଂରକ୍ଷିତ ଜଙ୍ଗଲରେ ଛାଡ଼ିଥିବା ଜଣାପଡିଛି । ତେବେ ବନ ବିଭାଗ ବିଳମ୍ବରେ ପହଞ୍ଚିବା କାରଣରୁ ଅନ୍ୟ ସମସ୍ତ ସାପ ଘରୁ ବାହାରି କୌଣସି ଗାତ ଭିତରକୁ ପଳାଇ ଯାଇଥିବାବେଳେ ଏବେ ଧୃବଙ୍କ ପରିବାର ଲୋକେ ଭୟଭୀତ ଅବସ୍ଥାରେ ଅଛନ୍ତି।
