ରତ୍ନଗିରି,୯।୬(ଡି.ଏନ୍.ଏ.): ଯାଜପୁର ଜିଲା ବରୀ ବ୍ଲକ ଅଧିନସ୍ଥ ନାଥପୁର ଗ୍ରାମର ଯବାନ ବିକାଶ ଚନ୍ଦ୍ର ପଣ୍ଡା(୩୬)ଙ୍କ ଶେଷକୃତ୍ୟ ଶୋକାକୂଳ ପରିବେଶ ମଧ୍ୟରେ ମଙ୍ଗଳବାର ସମ୍ପର୍ଣ୍ଣ ହୋଇଛି। ବରୀ ବିଧାୟିକା ସୁନନ୍ଦା ଦାସ, ଭାଜପା ନେତା ବିଶ୍ୱ ରଞ୍ଜନ ମଲ୍ଲିକ ସେଠାରେ ପହଞ୍ଚି ଗଭୀର ଦୁଃଖ ପ୍ରକାଶ କରିବା ସହିତ ଯବାନଙ୍କ ପରିବାରକୁ ସମବେଦନା ଜଣାଇଛନ୍ତି l
ବିକାଶଙ୍କ ଜଣେ ଯବାନ ଭାବେ ନୁହେଁ ବରଂ ଜଣେ ଦରଦୀ ମଣିଷ ଭାବେ ଅଞ୍ଚଳରେ ଲୋକପ୍ରିୟ ଥିଲେ। ତାଙ୍କର ଏକ ସ୍ବତନ୍ତ୍ର ପରିଚୟ ଥିଲା l ସେ ସୋମବାର ନଦୀରେ ବୁଡି ଯାଇଥିଲେ। ତାଙ୍କର ମୃତଦେହ ମିଳିବା ପରେ ବରୀ ପୋଲିସ ଘଟଣାସ୍ଥଳରେ ପହଞ୍ଚି ତାଙ୍କୁ ବରୀ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଆଣଥିଲା। ପରେ ଦାୟିତ୍ୱ ରେ ଥିବା ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ମଙ୍ଗଳବାର ତାଙ୍କ ମୃତଦେହ ଜିଲା ମୁଖ୍ୟ ଚିକିତ୍ସାଳୟରୁ ବ୍ୟବଚ୍ଛେଦ ହୋଇ ନିଜ ଜନ୍ମ ମାଟିରେ ପହଞ୍ଚିବା ପରେ ସେଠାରେ ଶୋକାକୂଳ ପରିବେଶ ସୃଷ୍ଟି ହୋଇଥିଲା। ତାଙ୍କ ଅନ୍ତିମ ସତ୍କାର ବେଳେ ବରୀ ବ୍ଲକ ଅଧକ୍ଷା ଶୁଭାସିନୀ ଶର୍ମା,ଜିଲ୍ଲା ପରିଷଦ ଅଶୋକ ସାମଲ, ଚନ୍ଦନପୁର ସରପଞ୍ଚ କେଦାର ସାମଲ, ଧାରପୁର ପଞ୍ଚାୟତ ସରପଞ୍ଚ ରୋଜାଲୀନ ଶ୍ୟାନ୍ତିଙ୍କ ସମେତ ବିଭିନ୍ନ ରାଜନୈତିକ ଦଳର ଲୋକମାନେ ଉପସ୍ଥିତ ଥିଲେ।