ପୁରୀ ଅଫିସ,୨୪।୩: କରୋନା ସଂକ୍ରମଣକୁ ରୋକିବା ପାଇଁ ଶ୍ରୀମନ୍ଦିରରେ ଭକ୍ତଙ୍କ ଦର୍ଶନ ଉପରେ କଟକଣା ଲଗାଯାଇଛି। ଗତ ୨୦ ତାରିଖରୁ ଶ୍ରୀମନ୍ଦିର ବନ୍ଦ ରହିଥିବାବେଳେୁ ପ୍ରତିଦିନ ମନ୍ଦିର ହୁଣ୍ଡିରୁ କିନ୍ତୁ ଟଙ୍କା ବାହାରୁଛି। ଏ ଦାନ ଅର୍ଥ ଆସୁଛି କେଉଁଠୁ ବୋଲି ଅନେକଙ୍କ ମନରେ ପ୍ରଶ୍ନ ଆସିବା ସ୍ବାଭାବିକ। ତେବେ ମନ୍ଦିର ଭିତରକୁ ଯାଉ ନ ଥିଲେ ମଧ୍ୟ ପ୍ରତ୍ୟହ ସକାଳେ ଏବଂ ସନ୍ଧ୍ୟାରେ କିଛି ଶ୍ରଦ୍ଧାଳୁ ସିଂହଦ୍ୱାର ନିକଟକୁ ଆସି ସେବାୟତ, ପୋଲିସ ଏବଂ ଶ୍ରୀମନ୍ଦିର କର୍ମଚାରୀଙ୍କୁ ହୁଣ୍ଡିରେ ପକାଇବା ପାଇଁ ଦାନ ଦେଉଛନ୍ତି। ସୋମବାର ହୁଣ୍ଡିରେ ମାତ୍ର ୪୬୭ ଟଙ୍କା ବାହାରିଛି।