ପୁରୁଣା ଭୁବନେଶ୍ୱର,୩୧ା୧୦ (ଡି.ଏନ.ଏ.): ଶ୍ରୀଲିଙ୍ଗରଜ ମନ୍ଦିର ଟ୍ରଷ୍ଟ ବୋର୍ଡ଼ କାର୍ଯ୍ୟାଳୟରେ ବୁଧବାର ହଠାତ୍ ପୂର୍ବାହ୍ନ ୧୦ଟାରେ କେତେଜଣ ସେବାୟତ ପହଞ୍ଚତ୍ଥିଲେ। କାର୍ଯ୍ୟରତ କାର୍ଯ୍ୟନିର୍ବାହୀ ଅଧିକାରୀ ପ୍ରଦୀପ କୁମାର ସାହୁଙ୍କୁ ଅଶ୍ଳୀଳ ଭାଷାରେ ଗାଳିଗୁଲଜ କରିବା ସହ ଅଫିସ୍ ବାହାରକୁ ଆସିବାକୁ କହିଥିଲେ। ପରେ ସେମାନେ ତାଙ୍କର ଏକ ବାଇକ୍କୁ ଭଙ୍ଗାରୁଜା କରିଥିଲେ। ଶେଷରେ ତାଙ୍କୁ ଅଫିସ୍ ଗୃହକୁ ତାଲା ପକାଇ ଦେଇଥିଲେ। କିଛି ପୋଷ୍ଟର ଅଫିସ୍ କବାଟ ଏବଂ କାନ୍ଥରେ ମାରି ଦେଇଥିଲେ। ସେଥିରେ ଆମର ଦାବି ସିନିୟର ଓଏଏସ୍ ଅଧିକାରୀ ନିଯୁକ୍ତି ଲେଖାଯାଇଥିଲା। ରାଜ୍ୟ ସରକାର ଏହା ନ କଲେ ମନ୍ଦିର କାର୍ଯ୍ୟାଳୟକୁ ଅଚଳ କରି ଦିଆଯିବ। ଏହାକୁ ନେଇ ବିଭିନ୍ନ ମହଲରେ ନାନା ପ୍ରଶ୍ନ ଉଙ୍କି ମାରିବା ସହ ଘଟଣାକୁ ନେଇ ନିନ୍ଦା କରାଯାଇଛି। ଘଟଣାକୁ ନେଇ କାର୍ଯ୍ୟନିର୍ବାହୀ ଅଧିକାରୀ ସାହୁ ଲିଙ୍ଗରାଜ ଥାନାରେ ବ୍ରାହ୍ମଣ ନିଯୋଗ ସମ୍ପାଦକ ବିରଞ୍ଚତ୍ ନାରାୟଣ ପତି ଏବଂ ପୂଜାପଣ୍ଡା ନିଯୋଗ ସମ୍ପାଦକ ସଚ୍ଚୀକାନ୍ତ ପୂଜାପଣ୍ଡାଙ୍କ ବିରୋଧରେ ଲିଖିତ ଅଭିଯୋଗ କରିଥିଲେ। ଅଭିଯୋଗକୁ ଭିତ୍ତିକରି ଥାନାରେ ଦଫା ୩୪୧, ୨୮୩, ୨୯୪, ୫୦୬, ୪୪୮, ୫୫୩, ୩୪୨, ୩୦୭, ୪୨୭, ୧୮୯, ୫୦୪, ୩୪ ଆଇପିସିରେ ନଂ. ୨୧୦/୧୯ରେ ମାମଲା ରୁଜୁ ହୋଇଛି। ତେବେ କ’ଣ ପାଇଁ ସେବାୟତ ନିଯୋଗ ଦ୍ୱୟ ଏଭଳି ପଦକ୍ଷେପ ନେଲେ ସେ ନେଇ ସଚ୍ଚୀକାନ୍ତ ପୂଜାପଣ୍ଡାଙ୍କୁ ପଚାରିବାରେ ୨୦୧୫ ପର୍ଯ୍ୟନ୍ତ ଟ୍ରଷ୍ଟବୋଡର୍ର୍ କାର୍ଯ୍ୟ ନିର୍ବାହୀ ଅଧିକାରୀ ଭାବେ ଜଣେ ଓଏଏସ୍ଙ୍କୁ ନିଯୁକ୍ତି ଦିଆଯାଉଥିଲା। ସେବେଠାରୁ ଓଆରଏସଙ୍କୁ ନିଯୁକ୍ତ ଦିଆଯାଉଛି। ମନ୍ଦିର ଅପରିସ୍କାର ରହିବା, ଅନେକ ଛୋଟ ମନ୍ଦିରରେ କୁଢୁଆ ଆସବାବ ପଡିବା, ମନ୍ଦିରରେ ଆଲମିରା ଖଟ ବିକ୍ଷିପ୍ତ ଭାବେ ପଡୁଛି। ତେଣୁ ଠାକୁରଙ୍କ ଯାନିଯାତ୍ରା ଠିକ୍ ସମୟରେ ହେଉନାହିଁ। ତେଣୁ ଜଣେ ଦକ୍ଷ ଅଫିସର ଏହା କରିପାରିବ ନେଇ ଏଭଳି ପଦକ୍ଷେପ ନେଇଛୁ ବୋଲି ସେ କହିଥିଲେ। ୯ା୭ା୧୮ରେ ଚିଠି ନଂ. ୧୨୭/୨୮ରେ ଆମେ ଓଏସଏସ ନିଯୁକ୍ତି ପାଇଁ ଦେବୋତ୍ତର କମିଶନରଙ୍କୁ ଜଣାଇଥିଲୁ। ଏ ନେଇ ବଡୁ ନିଯୋଗ ସମ୍ପାଦକ କମଳାକାନ୍ତ ବଡୁ କୁହନ୍ତି, ଏହା ଅତ୍ୟନ୍ତ ନିନ୍ଦନୀୟ ଘଟଣା। ୧୯୪୭ରୁ ଟ୍ରଷ୍ଟ ବୋର୍ଡ ହେବାଠାରୁ ଜଣେ କାର୍ଯ୍ୟରତ ଅଧିକାରୀଙ୍କୁ କେବେ କେଉଁ ସମୟରେ ତାଲା ପକାଇ ଏପରି ପ୍ରତିବାଦ କରାଯାଇ ନ ଥିଲା। ପୋଷ୍ଟରରେ ସେବାୟତଗଣ ଲେଖାଯିବା ଭୁଲ। ଆମେ ସେଥିରେ ନାହୁଁ। ସେବାୟତଗଣ କହିଲେ ଛତିଶା ନିଯୋଗକୁ ବୁଝାଏ। ଅଭିଯୁକ୍ତଙ୍କ ପ୍ରତି ଦୃଢ କାର୍ଯ୍ୟାନୁଷ୍ଠାନ ନିଆଯାଉ। ଏହି ଘଟଣାକୁ ବୁଧବାର ମନ୍ଦିରକୁ ଆସୁଥିବା ଶ୍ରଦ୍ଧାଳୁମାନେ ନିନ୍ଦା କରିଥିଲେ।