ବୋଲଗଡ଼,୧୫ା୭(ଡି.ଏନ୍.ଏ.)-ବୋଲଗଡ଼ ବ୍ଲକ ବାଙ୍କୋଇସ୍ଥିତ ନୂତନ ସତ୍ସଂଘ ମନ୍ଦିର ପରିସରରେ ଶନିବାର ରାତିରେ ୫ଟି ବ୍ରହ୍ମକମଳ ଫୁଲ ଫୁଟିଥିଲା। ଏହା ଦେଖି ସତ୍ସଂଘ କେନ୍ଦ୍ରର ଶ୍ରଦ୍ଧାଳୁମାନେ ଆନନ୍ଦରେ ଏହି ବିରଳ ଫୁଲଗୁଡ଼ିକୁ ମହାପ୍ରଭୁଙ୍କୁ ଅର୍ପଣ କରିଛନ୍ତି। କେନ୍ଦ୍ରର ସହପ୍ରତି ଋତ୍ୱିକ କେଶବ ଚନ୍ଦ୍ର ଭୋଳଙ୍କ ଆବାହକତ୍ୱରେ ଭକ୍ତ ତାପସ ରଞ୍ଜନ ପ୍ରଧାନ, ରମେଶ ଚନ୍ଦ୍ର ପାତ୍ର, ବିବେକାନନ୍ଦ ସ୍ବାଇଁ, ବୈଧାୟନ ମହାପାତ୍ର ପ୍ରମୁଖ ପୁଷ୍ପ ଅର୍ପଣ ଉତ୍ସବରେ ଉପସ୍ଥିତ ଥିଲେ। ପ୍ରଥମେ ବ୍ରହ୍ମକମଳକୁ ଗଛରୁ ତୋଳି ଆଣି ଏକ ସଂକୀର୍ତ୍ତନ ଶୋଭାଯାତ୍ରାରେ ଶ୍ରଦ୍ଧାଳୁମାନେ ରାଧାକୃଷ୍ଣ ମନ୍ଦିରରେ ପହଞ୍ଚତ୍ଥିଲେ । ମନ୍ଦିରସ୍ଥିତ ଶ୍ରୀ ରାଧାକୃଷ୍ଣ, ଶ୍ରୀ ଜଗନ୍ନାଥ ଏବଂ ଶାଳଗ୍ରାମ ଶ୍ରୀ ବିଗ୍ରହଙ୍କୁ ବ୍ରହ୍ମକମଳଗୁଡ଼ିକୁ ସମର୍ପଣ କଲାବେଳେ ଏକ ଭକ୍ତି, ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିଲା।
