ନୂଆଦିଲ୍ଲୀ, ୨୫-୨: ଛୋଟ ଛୋଟ ବ୍ୟବସାୟ କରୁଥିବା ବ୍ୟକ୍ତି ବିଶେଷ ଦିନରେ ବହୁତ ବଡ ହେବାର ସମ୍ଭାବନା ରହିଛି। ଦେଶରେ ଷ୍ଟାର୍ଟ ଅପ୍ କରୁଥିବା ବ୍ୟକ୍ତି ଦିନେ ଧିରୁ ଭାଇ ଅମ୍ବାନୀ ହୋଇ ପାରିବେ ବୋଲି ରିଲାଏନ୍ସ ଇଣ୍ଡଷ୍ଟ୍ରିଜର ଅଧ୍ୟକ୍ଷ ମୁକେଶ ଅମ୍ବାନୀ ସୋମବାର କହିଛନ୍ତି। ଏହି ଭଳି କାରଣ ଯୋଗୁ ଭାରତ ଅନ୍ୟ ଦେଶଠାରୁ ଭିନ୍ନ ହୋଇ ପାରିଛି। ୪୦ ବର୍ଷ ପୂର୍ବେ ଏକ ଟେବୁଲରୁ ରିଲାଏନ୍ସର ଯାତ୍ରା ଆରମ୍ଭ ହୋଇଥିଲା ହେଲେ ଏହା ବର୍ତ୍ତମାନ ବହୁତ ବଡ କମ୍ପାନୀ ହୋଇ ସାରିଥିବା ମୁକେଶ କହିଛନ୍ତି। ପ୍ରବାସୀ ଭାରତୀୟ ସତ୍ୟ ନାଡେଲା ମଧ୍ୟ ସୋମବାରଠାରୁ ଭାରତ ଗସ୍ତରେ ଅଛନ୍ତି। ମୁମ୍ବାଇରେ ଅନୁଷ୍ଠିତ ଡିକୋଡ ସିଇଓ ୨୦୨୦ କାର୍ଯ୍ୟକ୍ରମରେ ମୁକେଶ ଅମ୍ବାନୀ ଏବଂ ସତ୍ୟ ନାଡେଲା ଏକ କାର୍ଯ୍ୟକ୍ରମରେ ଗୋଟିଏ ମଞ୍ଚରେ ଦେଖା ଯାଇଥିଲେ। ଟ୍ରମ୍ପଙ୍କ ଗସ୍ତକୁ ନେଇ ମୁକେଶ କହିଛନ୍ତି ଯେ, ଆମେରିକାର ଅନ୍ୟ ରାଷ୍ଟ୍ରପତିଙ୍କ ଗସ୍ତଠାରୁ ଏହା ଭିନ୍ନ। ମାଇକ୍ରୋସଫ୍ଟ ଏବଂ ରିଲାଏନ୍ସର ସହଭାଗିତା ଆଜିର ସମୟ ଲାଗି ଅନେକ ଗୁରୁତ୍ୱ ବହନ କରୁଥିବା ମୁକେଶ କହିଛନ୍ତି।
ଅଗଷ୍ଟ ୨୦୧୯ରେ ଦୁଇ କମ୍ପାନୀ ମିଳିତ ହୋଇ କ୍ଲାଉଡ ଇନଫ୍ରାଷ୍ଟକଚର ଆଜୁରେ ନେଇ ଚୁକ୍ତିରେ ସାମିଲ ହୋଇଥିଲେ। ଷ୍ଟାର୍ଟଅପ କମ୍ପାନୀଗୁଡିକୁ ମାଗଣାରେ ସଂଯୋଗ ଏବଂ କ୍ଲାଉଡ ସେବା ଯୋଗାଣ ଦିଗରେ ଏହି ଚୁକ୍ତି ସହାୟକ ହେବ। ୨୦୨୧ ଜାନୁୟାରୀ ପହିଲାରୀ ଏହା କାର୍ଯ୍ୟକାରି ହେବ। ଜିଓ ଯୋଗୁ ଡାଟା ବହୁତ ଶସ୍ତା ହୋଇଥିବା ଏହି ଅବସରରେ ମୁକେଶ ମତ ରଖିଛନ୍ତି। ଦେଶ ମଧ୍ୟରେ ଉନ୍ନତ ମୋବାଇଲ ଡିଜିଟାଲ ନେଟଓ୍ବର୍କ ରହିଥିବା ଯୋଗୁ ଭାରତ ସାରା ବିଶ୍ୱରେ ଏକ ପ୍ରମୁଖ ଡିଜିଟାଲ ସୋସାଇଟି ହେବାର କ୍ଷମତା ରଖୁଛି। ଆଗାମୀ ଦଶନ୍ଧିରେ ଭାରତ ବିଶ୍ୱର ତୃତୀୟ ବୃହତ୍ତ ଅର୍ଥନୀତି ହେବ ବୋଲି ସେ ଆଶା ପ୍ରକଟ କରିଛି। ସବୁ ବର୍ଗକୁ ଲାଭ ଦେଲା ଭଳି ଟେକ୍ନୋଲୋଜି ସମାଧାନ ପ୍ରଦାନ ଦିଗରେ ଭାରତୀୟ ସିଇଓ ମାକେ କାର୍ଯ୍ୟ କରିବାର ଆବଶ୍ୟକତା ରହିଛି ବୋଲି ମାଇକ୍ରୋସଫ୍ଟ ସିଇଓ ସତ୍ୟ ନାଡେଲା ଏଥିରେ ମତ ପ୍ରକାଶ କରିଛନ୍ତି।