ମୁମ୍ବାଇ: ମୁମ୍ବାଇର ଗୋରେଗାଓଁ ସ୍ଥିତ ଫିଲ୍ମ ସିଟିରେ ରବିବାର ଷ୍ଟାର ସ୍କ୍ରିନ୍ ଆଓ୍ବାର୍ଡସ୍ ଶୋ’ର ଆୟୋଜନ ହୋଇଥିଲା। ଏହି କାର୍ଯ୍ୟକ୍ରମରେ ବଲିଉଡ୍ରୁ ଆରମ୍ଭ କରି ଟେଲିଜଗତର ବହୁ ନାମୀଦାମି ବ୍ୟକ୍ତିବିଶେଷ ଯୋଗଦେଇଥିଲେ। ଏଥିରେ ବଲିଉଡ୍ ଅଭିନେତ୍ରୀ ଦୀପିକା ପାଦୁକୋନ, ଅଭିନେତା ରଣବୀର ସିଂହ, ଆୟୁଷ୍ମାନ ଖୁରାନା, କାର୍ତ୍ତିକ ଆର୍ଯ୍ୟନଙ୍କଠାରୁ ଆରମ୍ଭ କରି ରେଖା ପର୍ଯ୍ୟନ୍ତ ସମସ୍ତେ ସାମିଲ ହୋଇଥିଲେ। ଏହି ଅବସରରେ ରଣବୀର ସିଂହ ଓ ଦୀପିକା ପାଦୁକୋନ ଏକାସାଙ୍ଗରେ ପହଞ୍ଚିଥିବା ବେଳେ ଦୁହଁିଙ୍କୁ ଓ୍ବେଷ୍ଟର୍ନ ଆଉଟ୍ଫିଟ୍ ଗ୍ଲାମରସ୍ ଲୁକ୍ ଦେଇଥିଲା। ଏଥର ଫିଲ୍ମ‘ଗଲି ବୟ’ ପାଇଁ ରଣବୀରଙ୍କୁ ବେଷ୍ଟ ଆକ୍ଟର ଆଓ୍ବାର୍ଡ ଦିଆଯାଇଛି। ସେହିପରି ଆୟୁଷ୍ମାନ ଖୁରାନାଙ୍କୁ ବେଷ୍ଟ ଆକ୍ଟର(କ୍ରିଟିକ୍ସ ଚଏସ୍ ମେଲ୍)ର ପୁରସ୍କାରରେ ସମ୍ମାନୀତ କରାଯାଇଥିଲା। ଅପରପକ୍ଷରେ ଗୋଲଡେନ ଗାଉନ୍ରେ ଭୂମି ପେଡ୍ନେକର ମଧ୍ୟ ବେଶ୍ ସୁନ୍ଦର ଦେଖାଯାଉଥିଲେ। ତାଙ୍କୁ ବେଷ୍ଟ ଆକ୍ଟର(କ୍ରିଟିକ୍ସ୍ ଚଏସ୍ ଫିମେଲ୍) ଆଓ୍ବାର୍ଡ ମିଳିଥିଲା। ଏହା ବ୍ୟତୀତ ଅଭିନେତ୍ରୀ ତାପସୀ ପାନ୍ନୁଙ୍କୁ ମଧ୍ୟ ଏହି ପୁରସ୍କାରରେ ପୁରସ୍କୃତ କରାଯାଇଥିଲା। ଉକ୍ତ ଆଓ୍ବାର୍ଡ ଶୋ’ରେ କାର୍ତ୍ତିକ ଆର୍ଯ୍ୟନଙ୍କୁ ଫର୍ମାଲ୍ ଲୁକ୍ରେ ଦେଖିବାକୁ ମିଳିଥିଲା। ଫିଲ୍ମ ‘ଲୁକା ଛୁପି’ ପାଇଁ କାର୍ତ୍ତିକ ଓ କ୍ରିତି ସେନନ୍ଙ୍କୁ ସମ୍ମାନୀତ କରାଯାଇଥିଲା। ଏଥିରେ ବ୍ଲାକ୍ ଶିମରୀ ଡ୍ରେଶ୍ ଓ ପନିଟେଲ୍ରେ କିୟାରାଙ୍କ ଜଲଓ୍ବା ଦେଖିବାକୁ ମିଳିଥିଲା।
