କଟକ ରୋଡ,୩।୨: ରାଜଧାନୀରେ ଚୋରା ବ୍ୟବସାୟ ବେଧଡକ ଚାଲିଛି। ବିଭିନ୍ନ ଜାଗାରେ ବ୍ରାଉନସୁଗାର, ଗଞ୍ଜେଇ ସାଙ୍ଗକୁ ବିଦେଶୀ ଓ ଦେଶୀ ମଦ କାୟା ମେଲାଇଛି। ଦୀର୍ଘଦିନ ଧରି ଲକ୍ଷ୍ମୀସାଗର ଥାନା ଅଧୀନ ୬ନଂ ପ୍ଲାଟଫର୍ମ ଷ୍ଟୋନ ରୋଡରେ ଲକ୍ଷ୍ମୀସାଗର ଏବଂ କମିଶନରେଟ ପୋଲିସର ସ୍ବତନ୍ତ୍ର ସ୍କ୍ବାଡ ଚଢାଉ କରି ଏକ ଘରୁ ୬୦୦ ବୋତଲ ଦେଶୀ ମଦ ଜବତ କରିଛି। ଜବତ ମଦର ମୂଲ୍ୟ ପାଖାପାଖି ୪ଲକ୍ଷ ଟଙ୍କା ହେବ ବୋଲି ଲକ୍ଷ୍ମୀସାଗର ଥାନାଧିକାରୀ ଦୟାନିଧି ନାୟକ କହିଛନ୍ତି। ସୂଚନାଯୋଗ୍ୟ, ବହୁଦିନଧରି ଷ୍ଟେଶନ ରୋଡ କଡରେ ଥିବା ଏକ ବସ୍ତିରେ ଚୋରା ମଦ ବ୍ୟବସାୟ ଜାରି ରହିଛି। ଜଣେ ମା’ ଏବଂ ପୁଅ ଏହି ମଦ ବ୍ୟବସାୟ କରୁଥିବାବେଳେ ଚଢାଉବେଳେ ସେମାନେ ଖସିଯାଇଥିବା ପୋଲିସ କହିଛି।