ଅନୁଗୋଳ ଅଫିସ, ୩୧।୮ – ଅନୁଗୋଳ ପୌରପାଳିକା ପକ୍ଷରୁ ବିଦ୍ୟୁତ ସଞ୍ଚୟ ପାଇଁ ଅଭିନବ ପ୍ରୟାସ ଆରମ୍ଭ ହୋଇଛି। ଏଣିକି ସହରରେ ସୂର୍ଯ୍ୟ ଉଇଁଲେ ଆପେ ଆପେ ସହରରେ ଲାଗିଥିବା ଷ୍ଟ୍ରିଟ ଲାଇଟ ଲିଭିଯିବ। ଆଉ ସୂର୍ଯ୍ୟ ଅସ୍ତ ହେଲେ ମନକୁ ଜଳିବ ଲାଇଟ୍। ସେଥିପାଇଁ ପୌରପାଳିକା ଅଧୀନରେ ଥିବା ୬୨ଟି ସବ୍ଷ୍ଟେଶନରେ ସିସିଏମ୍ଏସ୍ ବ୍ୟବସ୍ଥା କରାଯାଇଛି ବୋଲି ସୂଚନା ମିଳିଛି। ଶୁକ୍ରବାରଠାରୁ ଆରମ୍ଭ ହୋଇଥିବା ଏହି ବ୍ୟବସ୍ଥା ଦ୍ୱାରା ସହରର ୧୨ଟି ସ୍ଥାନରେ ସିସିଏମ୍ଏସ୍ କାର୍ଯ୍ୟକ୍ଷମ ହୋଇଛି ବୋଲି ପୌରପାଳିକା ପକ୍ଷରୁ ସୂଚନା ମିଳିଛି।
ଅନୁଗୋଳ ସହରରେ ବିଭିନ୍ନ ସମୟରେ ଦିନରେ ଲାଇଟ ଜଳୁଥିବା ନେଇ ଅଭିଯୋଗ ଆସିଥିଲା। ଏପରି କି ଦିନ ରାତି ଆଲୋକ ଜଳିବା କାରଣରୁ ବିଭିନ୍ନ ସ୍ଥାନରେ ଲାଇଟ୍ ଖରାପ ମଧ୍ ହେଉଥିବା ଦେଖାଯାଇଥିଲା। ଏହାକୁ ରୋକିବା ପାଇଁ ଏଭଳି ପଦକ୍ଷେପ ନିଆଯାଇଥିବା ପୌରପାଳିକା ପକ୍ଷରୁ କୁହାଯାଇଛି। ପୌରପାଳିକାର ଥିବା ପ୍ରତ୍ୟେକ ବିଦ୍ୟୁତ ଖୁଣ୍ଟିରେ ସିସିଏମ୍ଏସ୍ ଲାଗିବ। ଏହି ସିସିଏମ୍ଏସ୍ ସନ୍ଧ୍ୟା ହେଲେ ବିଦ୍ୟୁତ ଖୁଣ୍ଟିରେ ଲାଗିଥିବା ଆଲୋକକୁ ଜଳାଇବ। ଆଉ ସକାଳ ହେଲେ ଲାଇଟ ଆପେ ଲିଭିଯିବ। ଫଳରେ ବିଦ୍ୟୁତ ଖର୍ଚ୍ଚ ବଞ୍ଚତ୍ବା ସହ ସହରରେ ଲାଗିଥିବା ଏଲଇଡ଼ି ଲାଇଟ୍ର ଆୟସ ମଧ୍ୟ ବଢ଼ିବ। ଶୁକ୍ରବାର ଅମଲାପଡ଼ାରୁ ଆରମ୍ଭ ହୋଇଥିବା ଏହି କାର୍ଯ୍ୟ ସିଭିଲ ଏସ୍ଡ଼ିଓ ଛକ, ମେଡିକାଲ ଛକ ଓ ବସ୍ ଷ୍ଟାଣ୍ଡ ପ୍ରଭୃତି ସ୍ଥାନରେ ଲାଗିଛି। ଆଗକୁ ଏହା ସହରର ବିଭିନ୍ନ ସ୍ଥାନରେ ଲଗାଯିବ ବୋଲି ପୌରନିର୍ବାହୀ ଅଧିକାରୀ ଶୁଭେନ୍ଦୁ ଜେନା ସୂଚନା ଦେଇଛନ୍ତି।
