ଜୟପୁର, ୧୦।୯(ନି.ପ୍ର.): ସଂଶୋଧିତ ମୋଟର ଯାନ ଆଇନକୁ କୋହଳ ଦାବିରେ ମଙ୍ଗଳବାର ସକାଳେ କୋରାପୁଟ ଜିଲା ଜୟପୁର ୨୬ ନମ୍ବର ଜାତୀୟ ରାଜପଥର ମୁଖ୍ୟ ଟ୍ରାଫିକ ଛକକୁ ଅବରୋଧ କରାଯାଇଥିଲା। ଫଳରେ ଦୀର୍ଘ ୨ ଘଣ୍ଟା ଧରି ଉଭୟ ପଟେ ଶହ ଶହ ଗାଡ଼ିମୋଟର ଅଟକି ରହିଥିଲା। ଆଇଏସ୍ଡିପିଓ ହରେକୃଷ୍ଣ ମାଝି, ଟାଉନ ଥାନା ଅଧିକାରୀ ଘଟଣାସ୍ଥଳରେ ପହଞ୍ଚି ଅବରୋଧକାରୀଙ୍କୁ ବୁଝାଶୁଝା କରିବା ପରେ ମଧ୍ୟ ଅବରୋଧ ହଟି ନ ଥିଲା। ଫଳରେ ପୋଲିସ ବଳପୂର୍ବକ ଭାବେ ରାସ୍ତା ଅବରୋଧ ହଟାଇବା ସହ ମାମଲା ରୁଜୁ କରି ୨୦ ଜଣଙ୍କୁ ଅଟକ ରଖିଛି।