ସୁସ୍ବାସ୍ଥ୍ୟ ପାଇଁ ନିୟନ୍ତ୍ରିତ ଆହାର ଜରୁରୀ। କୁହାଯାଏ ଠିକ୍ ସମୟରେ ସକାଳଭୋଜନ କରିବା ଦ୍ୱାରା ଅନେକ ରୋଗରୁ ରକ୍ଷା ପାଇହୁଏ। ଏହା ଦିନ ତମାମ ଜଣଙ୍କୁ ଫୁର୍ତ୍ତି ରଖେ। ହେଲେ ଅନେକ ସମୟରେ ସକାଳଭୋଜନ କରୁଥିଲେ ମଧ୍ୟ ସ୍ବାସ୍ଥ୍ୟ ଠିକ୍ ରହୁ ନ ଥିବା ପରିଲକ୍ଷିତ ହୋଇଥାଏ। ଏସବୁ ପଛରେ ରହିଛି ଆପଣ ଖାଉଥିବା ଖାଦ୍ୟ। କ’ଣ ଖାଇଲେ ସମସ୍ୟା ଉପୁଜିପାରେ ତାହା ଜାଣି ରଖନ୍ତୁ।
-ଫଳ ରସ: ସକାଳ ଭୋଜନରେ ଫଳରସକୁ ସାମିଲ କରନ୍ତୁ ନାହିଁ। ଏହାଦ୍ୱାରା ରକ୍ତରେ ଶର୍କରା ପରିମାଣ, ହଜମଶକ୍ତି, ଟାଇପ୍-୨ ଡାଇବେଟିସ୍ ଆଦି ହୋଇପାରେ।
-ମିଠାଦହି: ଏଥିରେ ଚିନିର ମାତ୍ରା ଅଧିକ ଥାଏ। କହିବାକୁ ଗଲେ ଆଇସ୍କ୍ରିମ୍ ତୁଳନାରେ ମଧ୍ୟ ଚିନିର ମାତ୍ରା ଅଧିକ ଥାଏ। ଏହାକୁ ଖାଇଲେ ଆପଣଙ୍କୁ ଶୀଘ୍ର ଭୋକ ଲାଗିପାରେ।
-ପେଷ୍ଟ୍ରିଜ୍: ଏହାକୁ ସକାଳ ଭୋଜନରେ ସର୍ବଦା ସାମିଲ କରନ୍ତୁ ନାହିଁ। କାରଣ ଏହା ଭୋକ ବଢ଼ାଇଥାଏ। ଏହାକୁ ଖାଇବା ଦ୍ୱାରା ଓଜନ ବୃଦ୍ଧିର ସମସ୍ୟା ଉପୁଜିପାରେ।