ଦୁବଇ,୧୫।୧୦: ୟୁନାଇଟେଡ ଅରବ ଏମିରେଟ୍ସ (ୟୁଏଇ)ରେ ଡିପ୍ଲୋମା ଡିଗ୍ରିଧାରୀ ଶହ ଶହ ଭାରତୀୟ ନର୍ସଙ୍କ ଚାକିରି ଏବେ ସଙ୍କଟରେ ବୋଲି ସୂଚନା ମିଳିଛି। ଗଣମାଧ୍ୟମର ସୂଚନା ଅନୁଯାୟୀ, ଏହାର ମୁଖ୍ୟ କାରଣ ହେଉଛି ଶିକ୍ଷାଗତ ଯୋଗ୍ୟତା। ଏହା ପୂର୍ବରୁ ୨ଶହ ନର୍ସଙ୍କୁ ଚାକିରି ହରାଇବାକୁ ପଡିଥିବା ବେଳେ ଅନ୍ୟ କେତେକଙ୍କ ପଦବୀକୁ ତଳ ସ୍ତରକୁ ଖସାଇ ଦିଆଯାଇଛି। ଗଲ୍ଫ ନ୍ୟୁଜର ସୂଚନା ଅନୁଯାୟୀ, ୟୁଏଇରେ ପଞ୍ଜିକୃତ ନର୍ସଙ୍କ ନ୍ୟୁନତମ ଶିକ୍ଷାଗତ ଯୋଗ୍ୟତା ନର୍ସିଂରେ ସ୍ନାତକ ଡିଗ୍ରୀ କରି ଦିଆଯାଇଥିବାରୁ ଏଭଳି ଅସୁବିଧା ଉପୁଜିଥିବା କୁହାଯାଏ।