ପାତ୍ରପୁର,୫ା୭(ଡି.ଏନ୍.ଏ.)- ପାତ୍ରପୁର ବ୍ଲକ ଜରଡ଼ା ଥାନା ଅଞ୍ଚଳର ଏକ ସଙ୍ଗରୋଧ କେନ୍ଦ୍ରରୁ ଚାଲିଚାଲି ଫେରୁଥିବା ମା’ ପୁଅଙ୍କୁ ରବିବାର ଅଜଣା ଦୁର୍ବୃତ୍ତ ମରଣାନ୍ତକ ଆକ୍ରମଣ କରିଛନ୍ତି। ଆହତମାନେ ହେଲେ ପାତ୍ରପୁର ଗ୍ରାମର ତ୍ରିବେଣୀ ମହାନ୍ତି ଓ ତାଙ୍କ ପୁଅ ସୁଶାନ୍ତ। ଏନେଇ ସେମାନେ ସେମାନେ ଜରଡା ଥାନାରେ ଅଭିଯୋଗ କରିଛନ୍ତି। ତ୍ରିବେଣୀ ଓ ସୁଶାନ୍ତ ଦିଲ୍ଲୀରୁ ଗତ ମାସ ୨୧ରେ ଆସି ରାଙ୍କୁଡ଼ା ବିଦ୍ୟାଳୟ ସଙ୍ଗରୋଧ କେନ୍ଦ୍ରରେ ଥିଲେ। ୧୪ ଦିନ ରହିବା ପରେ ରବିବାର ସକାଳୁ କେନ୍ଦ୍ରଠାରୁ ଗୋଟିଏ କିଲୋମିଟର ଦୂରରେ ଥିବା ମାମୁଁ ଘର ଗୁଣ୍ଡୁରା ଗ୍ରାମକୁ ମା’ ଓ ପୁଅ ଚାଲିଚାଲି ଯାଉଥିଲେ। ନିଛାଟିଆ ରାସ୍ତାରେ ଏକ ବାଇକ୍ରେ ମୁଖା ପିନ୍ଧା ୨ଯୁବକ ଆସି ଧାରୁଆ ଅସ୍ତ୍ରରେ ହାଣିଥିଲେ। ବିଲରେ କାମ କରୁଥିବା ଶ୍ରମିକ ଆସିବା ଦେଖି ଆକ୍ରମଣକାରୀ ଛାଡି ପଳାଇଥିଲେ। ଥାନାରେ ଅଭିଯୋଗ ପରେ ପୋଲିସ ତଦନ୍ତ ଚଳାଇଛି। ପୂର୍ବ ଶତ୍ରୁତାରୁ ଏଭଳି ଆକ୍ରମଣ ହୋଇଥିବା ପୋଲିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି।
