ଧରାକୋଟ,୨ା୬(ଡି.ଏନ.ଏ.)-ଗଞ୍ଜାମ ଜିଲା ଧରାକୋଟ ବ୍ଲକ ଜଗମୋହନ ପଞ୍ଚାୟତର ପୁଟୁ-ଗୋବର୍ଦ୍ଧନପୁର ପ୍ରାଥମିକ ବିଦ୍ୟାଳୟରେ ସୋମବାର ଏକ ଅଭାବନୀୟ ଘଟଣା ଘଟିଛି। ସକାଳ ୯ ଟାରେ ଏହି ବିଦ୍ୟାଳୟ ସଙ୍ଗରୋଧ କେନ୍ଦ୍ରରେ ଜଣେ ବୃଦ୍ଧାଙ୍କ ମୃତ୍ୟୁ ଘଟିଛି। ଏହି କେନ୍ଦ୍ରକୁ ୨୪ ପ୍ରବାସୀ ଆସି ପହଞ୍ଚତ୍ଥିଲେ। ନିୟମ ମୁତାବକ ସମସ୍ତଙ୍କୁ ଖାଦ୍ୟପେୟ ଦିଆଯାଇଥିଲା। ଅପରାହ୍ନରେ ମଧ୍ୟ ଜଳଖିଆ ପ୍ରଦାନ କରାଯାଇଥିଲା। ପୁଟୁ ଗୋବର୍ଦ୍ଧନପୁର ଗ୍ରାମର ଜନୈକା ୬୩ ବର୍ଷୀୟା ବୃଦ୍ଧା ସଙ୍ଗରୋଧ କେନ୍ଦ୍ରରେ ହଠାତ୍ ରକ୍ତବାନ୍ତି କରିଥିଲେ। କିଛି ସମୟ ମଧ୍ୟରେ ତାଙ୍କର ମୃତ୍ୟୁ ହୋଇଥିଲା। ଏ ସମ୍ପର୍କରେ ସଙ୍ଗରୋଧ କେନ୍ଦ୍ର ନୋଡାଲ ଅଫିସର ମାୟା ମୁନୀ ଧରାକୋଟ ବିଡିଓ, ତହସିଲଦାରଙ୍କୁ ଖବର ଦେଇଥିଲେ। ସେମାନେ ଆସିବା ପରେ ମୃତଦେହ ବ୍ୟବଚ୍ଛେଦ ପାଇଁ ପଠାଯାଇଥିଲା। ତେବେ ବୃଦ୍ଧାଙ୍କ ମୃତ୍ୟୁର କାରଣ ଜଣାପଡି ନାହିଁ ା