ଗୋପାଳପୁର,୧୧ା୫(ଡି.ଏନ୍.ଏ.)- ଗଞ୍ଜାମ ଜିଲାରେ ଦ୍ରୁତ ଗତିରେ କରୋନା ପଜିଟିଭଙ୍କ ସଂଖ୍ୟା ବଢିବାରେ ଲାଗିଛି। ରବିବାର ଡବ୍ଲ୍ୟୁଏଚ୍ଓ, ଆଇସିଏମ୍ଆର ପ୍ରତିନିଧି ଦଳ ରବିବାର ଦୁଇଟି ସଙ୍ଗରୋଧ କେନ୍ଦ୍ର ପରିଦର୍ଶନ କରିଛନ୍ତି।
ମଧ୍ୟାହ୍ନରେ ଆଇସିଏମ୍ଆର ବୈଜ୍ଞାନିକ ଡାକ୍ତର ଜୟପ୍ରକାଶ କ୍ଷତ୍ରୀ ଓ ଡବ୍ଲୁଏଚ୍ଓ ଷ୍ଟେଟ୍ ପ୍ରୋଗ୍ରାମ ଅଫିସର ଡାକ୍ତର ନିହାର ରାୟ ରଙ୍ଗେଇଲୁଣ୍ଡା ବ୍ଲକ କରାପଲ୍ଲୀସ୍ଥିତ ଆଦର୍ଶ ବିଦ୍ୟାଳୟର ଓ ନାରାୟଣପୁର ପଞ୍ଚାୟତ ହାଇସ୍କୁଲ ସଙ୍ଗରୋଧ ଗୃହ ପରିଦର୍ଶନ କରିଥିଲେ। କେନ୍ଦ୍ର ଅଧିକାରୀ, ଏଏନ୍ଏମ ଓ ଅନ୍ୟ କର୍ମଚାରୀଙ୍କ ସହ ବିଭିନ୍ନ ବିଷୟରେ ଆଲୋଚନା କରିଥିଲେ। ଖାଦ୍ୟପେୟ, ଲକ୍ଷଣ ଦେଖାଗଲେ ସଠିକ ଚିକିତ୍ସା ହେଉଛି କି ନାହିଁ ପଚାରି ବୁଝିଥିଲେ। ଦାୟିତ୍ୱରେ ଥିବା କର୍ମଚାରୀମାନଙ୍କ ନାମ ପ୍ରତିଦିନ ତାଲିକା କରି ପ୍ରକାଶ କରିବାକୁ ପ୍ରତିନିଧି ଦଳ କହିଥିଲେ। ଜିଲାର ଅଧିକାରୀ ଓ କେଲୁଆପଲ୍ଲୀ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର କର୍ମଚାରୀମାନେ ଏହି ଅବସରରେ ଉପସ୍ଥିତ ଥିଲେ।