ଦିଗପହଣ୍ଡି,୮।୬(ଡି.ଏନ.ଏ.): ବ୍ରହ୍ମପୁର ଉପଜିଲାପାଳ ସିନ୍ଧେ ଦତ୍ତାତ୍ରୟ ଭାଉସାହେବ ଦିଗପହଣ୍ଡି ବ୍ଲକ ଗସ୍ତରେ ଆସି ସିଦ୍ଧେଶର, ଗୋକର୍ଣ୍ଣପୁର ଏବଂ ବି.ତୁରୁବୁଡି ପଞ୍ଚାୟତେ ଥିବା ବିଭିନ୍ନ ସଙ୍ଗରୋଧ କେନ୍ଦ୍ର ପରିଦର୍ଶନ କରିଛନ୍ତି। ଘରୋଇ ସଙ୍ଗରୋଧରେ ରହୁଥିବା ପ୍ରବାସୀ ଫେରନ୍ତାମାନେ ଘରେ ନରହି ବାହାରେ ବୁଲାବୁଲି କଲେ ଗୋଷ୍ଠୀ ସଂକ୍ରମଣର ଆଶଙ୍କା ରହିଥିବାରୁ ଉପଜିଲାପାଳ କୌଣସି ପୂର୍ବ ସୂଚନା ନଦେଇ ଅଚାନକ ଏହି ସବୁ ଗାଁ ଗୁଡ଼ିକୁ ପରିଦର୍ଶନ କରିଥିଲେ। ଏହି ସମୟରେ ସଙ୍ଗରୋଧ ଅବଧି ପୂରଣ କରିଥିବା ଅନ୍ତେବାସୀମାନେ ସେମାନଙ୍କ ପ୍ରୋତ୍ସାହନ ରାଶି ୧୦୦୦ ଟଙ୍କା ପାଇଛନ୍ତି କି ନାହିଁ ସେମାନଙ୍କୁ ପଚାରି ବୁଝିବା ସହ ଘରୋଇ ସଙ୍ଗରୋଧରେ ରହୁଥିବା ଲୋକଙ୍କ ଉପରେ ତୀକ୍ଷ୍ଣ ନଜର ରଖିବାକୁ ସରପଞ୍ଚ ପ୍ରତିନିଧି ଅସିତ କୁମାର ସାହୁ, ସରୋଜ ଜେନା ଏବଂ କୁରେଶୁ ସେଠୀଙ୍କୁ ପରାମର୍ଶ ଦେଇଥିଲେ। ଉପଜିଲାପାଳଙ୍କ ଗସ୍ତ ସମୟରେ ଦିଗପହଣ୍ଡି ବିଡିଓ ହଳଧର ଶବର,ସିଡିପିଓ ଯଶୋବନ୍ତି ସାହୁ, ସ୍ଥାନୀୟ ଅଙ୍ଗନବାଡି,ଆଶା କର୍ମୀ ଏବଂ ମହିଳା ସ୍ବାସ୍ଥ୍ୟକର୍ମୀ ପ୍ରମୁଖ ଉପସ୍ଥିତ ଥିଲେ।