ମୁମ୍ବାଇ,୧୬।୧୦: ଚଳିତ ବିଜୟ ହଜାରେ ଟ୍ରଫିରେ ଯଦିଓ ମୁମ୍ବାଇ ଦଳର ପ୍ରଦର୍ଶନ ସେତେଟା ଖାସ୍ ନାହିଁ ତଥାପି ଦଳର ଯୁବ ବ୍ୟାଟ୍ସମ୍ୟାନ୍ ଯଶସ୍ବୀ ଯଶଓ୍ବାଲ୍ ସମସ୍ତଙ୍କ ହୃଦୟ ଜିତିଛନ୍ତି। ଦିନେ ଠେଲା ଗାଡିରେ ଗୁପଚୁପ୍ ବିକୁଥିବା ଏହି ୧୭ ବର୍ଷୀୟ ବ୍ୟାଟ୍ସମ୍ୟାନ୍ ବିଜୟ ହଜାରେ ଟ୍ରଫିର ୪ଟି ମ୍ୟାଚରୁ ୭୫.୨୫ ହାରରେ ୩୦୧ରନ୍ ସଂଗ୍ରହ କରିଛନ୍ତି। ସେ ଝାଡଖଣଣ୍ଡ ବିପକ୍ଷ ମ୍ୟାଚରେ ଦ୍ୱିଶତକ ଅର୍ଜନ କରିଛନ୍ତି। ଯଶସ୍ବୀଙ୍କ ସଫଳତା ପଛରେ ସଚିନ ତେନ୍ଦୁଲକରଙ୍କ ହାତ ରହିଛି। କାରଣ ତାଙ୍କ ପୁଅ ଅର୍ଜୁନ ତେନ୍ଦୁଲକରଙ୍କ ଭଲ ବନ୍ଧୁ ହେଉଛନ୍ତି ଯଶସ୍ବୀ। ବେଙ୍ଗାଲୁରୁସ୍ଥିତ ଜାତୀୟ କ୍ରିକେଟ ଏକାଡେମୀରେ ଖେଳୁଥିବାବେଳେ ଉଭୟ ଗୋଟିଏ ରୁମ୍ରେ ରହୁଥିଲେ। ପରେ ୨୦୧୮ରେ ଅର୍ଜୁନ ନିଜ ପିତାଙ୍କ ସହ ଯଶସ୍ବୀଙ୍କ ଭେଟ କରାଇଥିଲେ। ପ୍ରଥମଦେଖାରେ ସଚିନ ତାଙ୍କୁ ଏକ ବ୍ୟାଟ୍ ଉପହାର ଦେଇଥିଲେ। ନିଜ ଡେବ୍ୟୁ ମ୍ୟାଚ୍ରେ ଏହି ବ୍ୟାଟ୍ରେ ଖେଳିବାକୁ ଅନୁରୋଧ ମଧ୍ୟ କରିଥିଲେ ସଚିନ। ଏହାପରେ ଯଶସ୍ବୀ ପଛକୁ ଫେରି ଚାହିଁଁ ନ ଥିଲେ। ଗୋଟିଏ ପରେ ଗୋଟିଏ ସଫଳତା ହାସଲ କରିଚାଲିଥିଲେ।